Ҳуқуқни муҳофаза қилиш академиясидаги «Карьера куни» талабаларга битирувчилар билан бевосита мулоқот қилиш ва уларнинг касбий фаолияти билан танишиш имконини берди.

Битирувчилар ўз фаолияти, эришган ютуқлари ва иш жараёнида орттирган тажрибаси ҳақида сўзлаб берди. Шунингдек, талабалар билан касбий ривожланишга оид амалий тавсияларини ўртоқлашди.

Савол-жавоблар давомида талабалар ўзларини қизиқтирган масалалар юзасидан битирувчилардан жавоб олди. Тадбир талабаларнинг келгуси касбий фаолиятга қизиқишини ошириш ва Академия билан битирувчилар ўртасидаги алоқаларни мустаҳкамлашга қаратилди.