Ўзбекистон Республикаси Ҳуқуқни муҳофаза қилиш академиясида ёшларда тинчлик ва барқарорликни асрашга масъулиятли муносабатни шакллантириш, диний бағрикенглик ва ўзаро ҳурмат тамойилларини мустаҳкамлашга қаратилган маърифий учрашув ўтказилди.

Унда Дин ишлари бўйича қўмита вакили ҳамда Академия бакалавриатининг Тергов фаолияти йўналиши биринчи курс талабалари иштирок этди.

Суҳбат давомида тинчлик ва барқарорликнинг жамият тараққиётидаги ўрни, диний бағрикенглик ва ўзаро ҳурматнинг аҳамияти ҳақида сўз юритилди. Шунингдек, ёшларни ёт ва бузғунчи ғоялар таъсиридан ҳимоя қилишда билим ва соғлом дунёқарашнинг аҳамияти таъкидланди.

Учрашув талабаларнинг маънавий дунёқарашини юксалтириш, ғоявий таҳдидларга нисбатан огоҳлигини ошириш ва тинчлик ҳамда осойишталикни асрашга масъулиятли муносабатни мустаҳкамлашга хизмат қилди.