Ўзбекистон Республикаси Ҳуқуқни муҳофаза қилиш академияси вакили Халқаро коррупцияга қарши кураш академияси (IACA) гранти соҳиби бўлди. Академиянинг PreAcademy тайёрлов курслари раҳбари International Master in Anti-Corruption Compliance and Collective Action (IMACC) халқаро магистратура дастури бўйича таҳсил олади. Грант таълим харажатларининг катта қисмини қоплайди.
Икки йиллик дастур академик тайёргарликни коррупцияга қарши комплаенс, хавфларни баҳолаш ва коррупцияга қарши жамоавий чоралар бўйича амалий машғулотлар билан уйғунлаштиради.
Эгалланадиган билим ва кўникмалар Ўзбекистон Республикаси Ҳуқуқни муҳофаза қилиш академиясида коррупцияга қарши курашиш йўналишини ривожлантириш, шу жумладан кадрлар тайёрлаш ва таълим дастурларини такомиллаштиришга хизмат қилади.
