Шоҳруҳ Акбаровнинг «Мен ўзбекман» тарихий-ҳужжатли романи прокуратура ва суд органлари фахрийси, Ўзбекистонда хизмат кўрсатган юрист, иккинчи даражали давлат адлия маслаҳатчиси Тоҳир Қамбарович Мирзаевнинг ҳаёти ва кўп йиллик хизмат фаолиятига бағишланган.

Асарда унинг прокуратура тизимидаги масъул лавозимлардаги фаолияти, жумладан, Хоразм вилояти прокурори сифатида ишлаган даври ҳикоя қилинади. Мураккаб тарихий шароитда қонунийлик ва адолатни таъминлаш, инсонларнинг ҳуқуқ ва қонуний манфаатларини ҳимоя қилиш йўлидаги саъй-ҳаракатлари акс эттирилган.

Романда собиқ Иттифоқ давридаги «Пахта иши» ва «Ўзбеклар иши» билан боғлиқ жараёнлар ҳамда сиёсий босимлар кўплаб инсонлар тақдирига таъсир кўрсатган давр манзараси ёритилган. Тоҳир Мирзаевнинг қонунсизлик ва адолатсизликка қарши позицияси асарнинг муҳим жиҳатларидан биридир.

Қаҳрамоннинг ҳаёт йўли орқали китобда даврнинг мураккаб ижтимоий-сиёсий муҳити, прокуратура органлари фаолияти ва масъулиятли лавозимларда хизмат қилган ҳуқуқшуносларнинг касбий ҳамда фуқаролик позицияси очиб берилган. Академия кутубхонасида аввалдан мавжуд бўлган биринчи ва иккинчи жилдлар қаторига энди учинчи жилд ҳам қўшилди.