Академия ходимлари Жамоат хавфсизлиги университети талабалари учун прокуратура органлари фаолиятига бағишланган очиқ дарс ўтказди.

Талабаларга прокуратура органларининг ташкилий-ҳуқуқий асослари, тизими ва тузилиши, асосий вазифа ва функциялари ҳамда фаолиятининг устувор йўналишлари тушунтирилди. Мамлакатда қонунийликни мустаҳкамлаш ва ҳуқуқ-тартиботни таъминлашда прокуратура органларининг ўрни ҳам ёритилди.

Шунингдек, прокуратура фаолиятини такомиллаштириш, унга замонавий ахборот-коммуникация технологияларини жорий этиш, иш жараёнларини рақамлаштириш ва кадрлар салоҳиятини оширишга қаратилган ислоҳотлар ҳақида маълумот берилди. Прокурор назоратининг мазмун-моҳияти, фуқароларнинг ҳуқуқ ва қонуний манфаатларини ҳимоя қилиш ҳамда прокуратура ходимларининг касбий фаолиятига қўйиладиган талаблар амалий мисоллар асосида тушунтирилди.