Ўзбекистон Республикаси Ҳуқуқни муҳофаза қилиш академияси бошлиғининг ўринбосари А.Одинаев Қарши давлат университетига ташриф буюриб, университет фаолиятини ташкил этиш тажрибаси билан танишди.

Ташриф давомида университет фаолиятини рақамлаштириш, ўқув жараёнини ташкил этиш, талабалар бандлигига кўмаклашиш, инфратузилмани ривожлантириш ва саноат билан ҳамкорлик қилиш йўналишларига эътибор қаратилди. «Қашқадарё тажрибаси» деб номланган ушбу ёндашувларни мамлакат олий таълим ташкилотларида оммалаштириш ва жорий этиш кўзда тутилган.

Қарши давлат университети тажрибасини ўрганиш олий таълим ташкилотлари фаолиятини такомиллаштиришга қаратилган ишлар доирасида амалга оширилмоқда.