2026 йил 26–27 ноябрь кунлари Ўзбекистон Республикаси Ҳуқуқни муҳофаза қилиш академиясида TASHKENT LAW ENFORCEMENT FORUM – 2026 халқаро илмий-амалий форуми бўлиб ўтади.

«Қонунийлик ва ҳуқуқ-тартиботни таъминлаш йўлида: замонавий чақириқлар ва янги ечимлар» мавзусидаги форум Ўзбекистон Республикаси прокуратура органлари ташкил этилганининг 35 йиллигига бағишланади.

Форумда 30 дан ортиқ мамлакатдан 100 нафардан зиёд етакчи хорижий эксперт иштирок этиши кутилмоқда. Унда прокуратура органлари фаолиятини ривожлантириш ва ҳуқуқни муҳофаза қилиш соҳаси учун кадрлар тайёрлаш, жиноятларни замонавий технологиялардан фойдаланган ҳолда тергов қилиш, кибержиноятчилик, коррупция, жиноий даромадларни легаллаштириш ҳамда терроризмни молиялаштиришга қарши курашиш масалалари кўриб чиқилади.

Суд-ҳуқуқ таълими бўйича Туркий тармоқ доирасида рақамли далиллар алмашинуви ва рақамли криминалистиканинг имкониятларига бағишланган алоҳида сессия ҳам ўтказилади.

Форум аралаш – офлайн ва онлайн шаклларда ташкил этилади. Форум ўзбек, рус ва инглиз тилларида ўтказилади. Синхрон таржима таъминланади. Иштирок этиш учун маъруза билан қатнашиш ёки мақола ва тезисларни тақдим этган ҳолда сиртдан иштирок этиш мумкин.

Форум якунлари бўйича материаллар тўпламини нашр этиш режалаштирилган. Илмий мақолаларни тақдим этишнинг охирги муддати – 2026 йил 1 декабрь.

Мақолаларни расмийлаштириш талаблари.

Рўйхатдан ўтиш ва онлайн иштирок этиш тартиби ҳақида қўшимча маълумот берилади.