24–25 ноябрь кунлари ҳуқуқни муҳофаза қилиш соҳаси учун кадрлар тайёрлашни такомиллаштирувчи технологик ечимларга бағишланган хакатон ўтказилади.
Унда ҳуқуқни муҳофаза қилувчи органлар вакиллари ҳамда республикамиздаги барча олий таълим ташкилотларидан 3 нафаргача аъзодан иборат жамоалар бепул иштирок этиши мумкин. Энг яхши натижа кўрсатган жамоалар қимматбаҳо совғалар билан тақдирланади:
🥇 1-ўрин – MacBook Air
🥈 2-ўрин – Core i5 ноутбук
🥉 3-ўрин – Core i3 ноутбук
Шунингдек, «Энг яхши AI ечим», «Энг яхши стартап ғояси», «Энг яхши UI/UX дизайни», «Энг яхши ижтимоий аҳамиятли лойиҳа», «Томошабинлар танлови» ҳамда «Энг яхши қизлар жамоаси» номинациялари бўйича махсус совғалар топширилади.
Ғолиб жамоалар инкубация ва акселерация дастурларида иштирок этиш, менторлар кўмагидан фойдаланиш ҳамда лойиҳаларини амалиётга татбиқ этиш имкониятига эга бўлади.
Рўйхатдан ўтиш: 16–20 ноябрь. Имкониятни қўлдан бой берманг!