Ўзбекистон Республикаси прокуратура органларининг 35 йиллигига бағишланган Халқаро ҳуқуқни муҳофаза қилиш форуми доирасидаги тадбирлар туркумидан «Масофавий ва аралаш таълимни ривожлантиришда инновацион ёндашувлар: муаммолар, ечимлар ва истиқболлар» мавзусидаги республика илмий-амалий конференцияси ўрин олган.
Конференцияда ҳуқуқни муҳофаза қилиш соҳаси кадрларини касбий тайёрлаш ва уларнинг малакасини оширишда масофавий ва аралаш таълимдан фойдаланиш масалалари муҳокама қилинади. Иштирокчилар амалий ўқув вазифаларини бажаришда рақамли воситаларни қўллаш ҳамда тингловчиларнинг мустақил ишини ўқитувчи раҳбарлигидаги машғулотлар билан уйғунлаштириш бўйича фикр алмашадилар.
Конференцияда республика таълим муассасаларининг профессор-ўқитувчилари ва ёш олимлари иштирок этиши кутилмоқда.
Конференция 2026 йил 24 ноябрь куни соат 10:00 да Ҳуқуқни муҳофаза қилиш академияси мажлислар залида бўлиб ўтади. Конференция якунлари бўйича илмий мақолалар ва тезислар тўпламини нашр этиш режалаштирилган. Материалларга қўйиладиган талаблар билан ушбу ҳавола орқали танишиш мумкин.