Мажбурий ижро бюросининг туман (шаҳар) бўлим давлат ижрочиларининг малака ошириш курслари якунланди

2020 йил 21 февралда Академияда Бош прокуратура ҳузуридаги Мажбурий ижро бюросининг навбатдаги туман (шаҳар) бўлим давлат ижрочилари иштирокидаги малака ошириш курслари якунланди.

Ўқув машғулотлари бевосита ҳуқуқни қўллаш амалиётида ижро ҳужжатларининг ўз вақтида қонуний ижро этилишини таъминлаш борасида тизимли равишда юзага келаётган муаммо ва камчиликларни аниқлаш ҳамда уларни бартараф этишга қаратилган амалий ўқув методикаларини қўллаган тарзда ташкил этилди.

Хусусан, тингловчилар иштирокида ижро иши юритуви бўйича сифатли процессуал ҳужжатлар тайёрлаш, мураккаб турдаги ижро ҳужжатларини ижро қилиш юзасидан зарурий кўникмаларни шакллантириш учун имитация машғулотлари, шунингдек кейс стади, гуруҳлараро муҳокама, ролли ўйинлар, кичик гуруҳларда ишлаш каби усуллардан самарали фойдаланилди.

Тингловчиларнинг келгусида малака ошириш курсларини янада самарали ташкил этиш юзасидан фикр-мулоҳазалари ўрганилди.

Ўқув машғулотлари якуни бўйича тингловчиларга сертификатлар топширилди.