Етакчи илмий ва таҳлилий маълумотлар базаларидан фойдаланиш бўйича тренинг

Бош прокуратура Академияси томонидан “Илмий-тадқиқот фаолиятида етакчи илмий-таҳлилий базаларидан фойдаланиш” мавзусида тренинг ташкил этилди.

Тренинг давомида Академияга янги қабул қилинган мустақил изланувчилар, докторантлар, шунингдек магистратура тингловчилари илмий-техник маълумотларни таҳлил қилиш учун Scopus, Web of Science, JSTOR, SPRINGER илмий-таҳлилий маълумотлар базаларидан фойдаланиш усуллари билан танишдилар.

Бундан ташқари, етакчи халқаро журналларда илмий мақолаларни рассмийлаштиришга қўйиладиган талаблар, шунингдек уларни тайёрлаш ва топшириш босқичларини кўриб чиқдилар.

Бу каби тадбирларнинг тизимли тарзда ўтказилиши илмий-тадқиқот фаолиятининг сифати ва самарадорлигини оширишга хизмат қилиши иштирокчилар томонидан эътироф этилди.