Академик мобилликни ривожлантириш борасида Швециянинг Лунд университети билан ҳамкорлик

Бош прокуратура Академияси Швециянинг Лунд университети билан ҳамкорликда магистратура мутахассисликлари бўйича ўқитиш самарадорлигини ошириш ва магистрлар алмашинуви мақсадида ўзаро тажриба алмашишга қаратилган “Erasmus+” гранти доирасида халқаро кредит мобиллик дастурини амалга оширмоқда.

Ушбу дастур доирасида жорий ўқув йилининг январь-июнь ойларида Академиянинг икки нафар тингловчиси Лунд университетининг ҳуқуқ социологияси кафедрасида дастур асосида иккинчи семестрда таҳсил олмоқда.

Маълумот учун: Лунд университети “Lund University (LU)” – Швеция давлат олий ўқув юрти, 1666 йилда ташкил этилган. Университет шаҳар кўринишидаги кампусга эга. Британиянинг Times Higher Education нашриёти ёзишича, таълим сифати жиҳатидан бугунги кунда у дунёнинг энг нуфузли университетларнинг 100 талигига киради. Университетда еттита факультет мавжуд бўлиб, уларда 34 минг нафар талаба 50 та мутахассислик ва 800 та махсус курсларда таҳсил олади.

Лунд университети илмий тадқиқот соҳасида ўзининг катта салоҳияти ва кенг имкониятлари билан машҳур. Университетнинг таълим тизимида мустақил таълим устувор аҳамиятга эга. Шундай қилиб, ҳар бир курс доирасида талабалар томонидан тегишли мавзулар мустақил равишда ўрганилиб, улар бўйича ёзма ишлар тақдим этиб келинмоқда. Ўқитувчи раҳбарлигида ушбу ишлар бошқа талабалар билан биргаликда муҳокама қилинади. Курсни топшириш учун баҳолаш тизимида бундай мустақил ишларнинг баҳолари фан бўйча умумий балларнинг 20 фоизини ташкил қилади.

Академия тингловчилари магистрлик дастурини ўташ билан бир қаторда магистрлик диссертацияларини тайёрлаш бўйича илмий-тадқиқот ишлари доирасида Швеция мисолида коррупцияга қарши курашиш бўйича Европа тажрибасини ўрганиш режалаштирилган.

“Canvas” платформасида машғулотлар жадвали

Ўтилган мавзулар бўйича фикр-мулоҳазалар платформаси