Академия профессор-ўқитувчиларининг педагогик маҳоратини ошириш бўйича тренинг

Бош прокуратура Академияси профессор-ўқитувчиларининг педагогик маҳоратини оширишга қаратилган тизимли фаолият доирасида кўп йиллик тажрибага эга малакали тренер Равшан Ишмуҳамедов иштирокида “Ўқув машғулотларини замонавий ёндашувлар асосида ташкил этишда педагогнинг профессионаллиги” мавзусида тренинг ташкил этилди.

Тадбир давомида иштирокчилар ўқув машғулотларни ташкил этишнинг замонавий ёндашувлари, педагогик касбий профессионалликка эришиш кўрсаткичлари ва формуласи, SMART мезонлари, ўқув жараёнида Flipped Class технологиясини ва катта ёшдагилар аудиториясини ўқитишнинг бошқа самарали методларини қўллаш масалаларини атрофлича муҳокама қилдилар.

Шу каби тадбирларнинг тизимли тарзда ўтказилиши кадрлар тайёрлаш, қайта тайёрлаш ва малакасини ошириш дастурлари бўйича ўқув жараёнини самарали педагогик технологиялар асосида ташкил этишга хизмат қилади.