Илмий-тадқиқот фаолиятини ривожлантириш бўйича навбатдаги тадбир

Бош прокуратура Академиясида tadqiqot.uz электрон платформасининг асосчиси, юридик фанлар доктори, доцент Ш.Файзиев иштирокида “Илмий-тадқиқот диссертациясига қўйиладиган умумий талаблар” мавзусида семинар ташкил этилди.

Тадбирда Академиянинг мустақил изланувчилари, докторантлари, шунингдек магистратура тингловчилари иштирок этди.

Иштирокчилар илмий-тадқиқот мавзусининг долзарблиги, ўрганилганлик даражаси тўғрисидаги маълумотларни таҳлил қилиш, хорижий электрон илмий маълумотлар базаларидан фойдаланиш усуллари билан танишишди.

Семинар якуни бўйича tadqiqot.uz платформасининг ҳуқуқ йўналишидаги электрон журналининг Академиянинг ёш тадқиқотчилари билан ҳамкорликдаги махсус сони тайёрланишига келишиб олинди.