Академия ва Ўзбекистон ёшлар иттифоқи ўртасидаги ҳамкорлик кенгаймоқда

Жорий йилнинг 15 февраль куни Бош прокуратура Академиясида Академия ва Ўзбекистон ёшлар иттифоқи ўртасида ҳамкорлик тўғрисидаги Меморандумни имзолаш ва 2021 йилга мўлжалланган қўшма тадбирлар дастурини тасдиқлаш тадбири бўлиб ўтди.

Меморандум томонларнинг ёшларга оид давлат сиёсатини амалга оширишдаги ҳамкорлигини янада мустаҳкамлашга, амалга оширилаётган ижтимоий-ҳуқуқий ислоҳотларда, ёшларга оид давлат сиёсати соҳасидаги қонунчилик фаолиятида уларнинг иштирокини кенгайтиришга, шунингдек, ёшлар орасида ҳуқуқбузарликларнинг олдини олишга, ушбу йўналишда қўшма тадқиқотлар олиб бориш ҳамда жиноятлар содир этилишининг сабабларини ва уларга имкон яратиб бераётган омилларни бартараф этиш бўйича таклифларни ишлаб чиқишга қаратилган.

Шу билан бирга, Меморандумда ёшларнинг ҳуқуқий онги ва ҳуқуқий маданиятини ошириш, уларнинг ҳуқуқ ва қонуний манфаатларини самарали ҳимоя қилиш, уларда коррупция, экстремизм ва турли салбий иллатларга нисбатан муросасиз муносабатни шакллантириш ҳамда бошқа долзарб масалалар бўйича ўқув тадбирларини биргаликда ташкил этиш назарда тутилган.

Меморандумни имзоланиши Академиянинг Ёшлар иттифоқи билан ўзаро ҳамкорлигига янги туртки беради.