Tetra Tech DPK компанияси вакиллари билан учрашув

2012 йил 23 февраль куни Бош прокуратура Академиясида Ўзбекистонда суд-ҳуқуқ соҳасидаги ислоҳотларни қўллаб-қувватлашга қаратилган USAID лойиҳасини амалга оширувчи ҳамкор – Американинг Tetra Tech DPK компаниясининг Гарри Ледбеттер бошчилигидаги вакиллари билан учрашув бўлиб ўтди.

Учрашувда масофавий таълимни ривожлантириш, таълим жараёнига инновацион технологияларни жорий этиш, клиник таълимни ривожлантириш, лойиҳавий бошқарув ҳамда Академиянинг илмий-таълим салоҳиятини ривожлантиришга қаратилган қўшма тадбирларни ташкил этиш масалалари муҳокама қилинди.

Иштирокчилар ўзаро манфаатли йўналишларда ҳамкорликни давом эттириш юзасидан аниқ чора-тадбирларни белгилаб олдилар.