Академия мустақил изланувчилари учун малака имтиҳони ўтказилди

2021 йил 24 февраль куни Бош прокуратура Академиясида мустақил изланувчилар учун чет тили бўйича малака имтиҳони бўлиб ўтди.

Имтиҳон лингвистика соҳасининг етакчи мутахассисларидан иборат комиссия томонидан ўтказилди.

Имтиҳон жараёнида мустақил изланувчиларнинг чет тилини билиш даражасини аниқлаш мақсадида суд-ҳуқуқ соҳасининг долзарб масалалари, изланувчилар томонидан амалга оширилаётган диссертация тадқиқоти мавзуси доирасида мавжуд илмий муаммолар ва уларнинг ечимлари хусусида берилган саволларга жавоблар олинди.

Малака имтиҳонини муваффақиятли топширган мустақил изланувчиларга гувоҳнома берилди.