Axborot xavfsizligi sohasida  KubanCSC – 2021 xalqaro konferentsiyasida ishtirok etildi

Bosh prokuratura Akademiyasi rahbariyati va xodimlari Rossiya Federatsiyasining Krasnodar

shahrida axborot xavfsizligi sohasida  KubanCSC–2021 xalqaro konferentsiyasi ishida ishtirok

etdilar.

Konferentsiyada Birlashgan Arab Amirliklari, Kolumbiya, Tanzaniya, Janubiy Afrika Respublikasi,

Baxreyn, Hindiston, Filippin va boshqa mamlakatlardan axborot xavfsizligi sohasi

mutaxassislari (jami – 25 mamlakat vakillari) qatnashdi.

Tadbirda Rossiya Federatsiyasi Tashqi ishlar vazirligi, Bosh prokuraturasi, IIV hamda Tergov

qo'mitasi vakillari ma'ruza qildi.

Konferentsiya axborot-kommunikatsiya texnologiyalaridan foydalanib sodir etilgan jinoyatlarning

oldini olish va ularni fosh etish borasidagi ilg'or tajriba va ijobiy amaliyotlarni ko'rib

chiqish, axborot xavfsizligi sohasida xalqaro hamkorlik masalalarini muhokama qilish uchun

qulay imkoniyat bo'lib xizmat qildi.

Konferentsiya doirasida “Xalqaro axborot xavfsizligi sohasida yangi tahdidlar”, “Jinoiy

maqsadda AKT qo'llashga qarshi kurash: xalqaro hamkorlik istiqbollari” mavzularida yalpi

majlislar, shuningdek “Xalqaro axborot xavfsizligi: strategiyalar, bitimlar va yangi huquqiy

modellar”,  “Axborot xavfsizligi: kadrlar salohiyati, ta'lim jarayonidagi yangi amaliyotlar”,

“Axborot xavsizligini ta'minlash sohasida xalqaro hamkorlik” mavzularida panel`

muhokamalari, shuningdek “Axborot xavsizligini ta'minlashning amaliy jihatlari” seminari

bo'lib o'tdi.

Akademiya boshlig'i YE.V.Kolenko AKTdan foydalanib sodir etilgan jinoyatlarning oldini olish,

mazkur sohada axborot almashish va xalqaro hamkorlikni rivojlantirish masalalari muhokamasiga

bag'ishlangan “Jinoiy maqsadda AKT qo'llashga qarshi kurash: xalqaro hamkorlik istiqbollari”

yalpi majlisida ma'ruza qildi.

“Axborot xavfsizligi: kadrlar salohiyati, ta'lim jarayonidagi yangi amaliyotlar” sessiyasida

Akademiya xodimlari ma'ruza qilib, axborot xavfsizligi sohasida mutaxassislarni tayyorlash

darajasi va ta'lim sifatini oshirish, ta'lim dasturlarini takomillashtirish, davlat organlari

va biznes tuzilmalarda kadrlar salohiyatini yuksaltirish masalalarida alohida to'xtalib

o'tdilar. 

Tadbir doirasida Akademiya rahbariyati hamda xorijiy ekspertlar o'rtasida bo'lib o'tgan

uchrashuvlarda axborot xavfsizligini ta'minlash borasida huquqni muhofaza qilish organlari

xodimlarining malakasini oshirish sohasida Akademiyaning ilmiy-ta'lim salohiyatini yuksaltirish

maqsadida xalqaro hamkorlik aloqalarini rivojlantirish borasida kelishuvlarga erishildi.