Кафедранинг асосий мақсад ва вазифалари:

тезкор қидирув фаолияти ва киберҳукуқ йўналишларида ҳуқуқни қўллаш амалиётини шакллантириш, соҳасидаги ислоҳотларнинг долзарб масалалари бўйича ўқитиш жараёнида иштирок этиш ҳамда ўқув-услубий, ўқув-амалий, илмий-тадқиқот ишларини амалга ошириш, юклатилган фанлар ва ўқув модуллари бўйича дарс машғулотларини олиб бориш;

мавжуд ўқитиш методлари, шакл ва услубларини такомиллаштириш орқали ўқитиш сифатини оширишда, ўқитишнинг янги методика ва технологияларини жорий этиш;

тегишли соҳа ва масалалар бўйича фундаментал, илмий-тадқиқот изланишларда иштирок этиш, ўқув, ўқув-услубий, ўқув-амалий қўлланмалар тайёрлаш;

бириктирилган йўналишлар бўйича бажарилган илмий-тадқиқот ишлари юзасидан эксперт таҳлилини ўтказишда иштирок этиш, улар бўйича хулосалар, тавсия ва тақризлар бериш;

мунтазам равишда илмий мақолалар билан илмий журнал ва тўпламларда ҳамда илмий маърузалар билан тадбирларда иштирок этиш;

қонунчиликни тарғиб қилиш, жамиятда ҳуқуқий маданиятни юксалтириш, идоравий ва норматив-ҳуқуқий ҳужжатлар лойиҳаларини ишлаб чиқишда иштирок этиш.

ПРОФEССОР-ЎҚИТУВЧИЛАР ТАРКИБИ

Каримов Вахабжан
		Кафедра профессори, адлия катта маслаҳатчиси, юридик фанлар доктори, профессор Прокуратура органларида узоқ йиллар давомида фаолият юритган малакали мутахассис, кўп йиллик амалий, илмий ва педагогик тажрибага эга. Email: v.x.karimov@proacademy.uz

Меҳнат фаолияти давомида республика журналлари, газеталари ва илмий мақолалар тўпламларида 100 дан ортиқ илмий ва илмий-оммабоп мақолалар чоп этган, 7 та дарслик (“Тезкор-қидирув фаолияти: умумий қисм”, “Тезкор-қидирув фаолияти”, “Тезкор-қидирув фаолияти назарияси” ва бошқалар), 4 та монография (“Тезкор-қидирув фаолиятида қонунийликни таъминлашнинг тарбиявий ва ташкилий жиҳатлари”, “Тезкор-қидирув фаолияти ва инсон ҳуқуқлари”, 2 та қонунга шарҳлар ва бошқалар), 33 та ўқув, ўқув-услубий қўлланмалар чоп этилган.

Ўзбекистон Республикаси Ҳуқуқни муҳофаза қилиш академияси Кенгаши аъзоси, Академия ҳузуридаги Илмий даражалар берувчи ихтисослаштирилган илмий кенгаш ва илмий семинар аъзоси, Ўзбекистон Республикаси Ички ишлар вазирлиги Академияси ҳузуридаги ёпиқ илмий кенгаш аъзоси сифатида юриспруденция соҳасида илмий кадрлар тайёрлашда фаол иштирок этмоқда.

2020–2023 йилларда 9 та тадқиқот ишига илмий раҳбарликни амалга оширган, шунингдек фалсафа доктори (PhD) илмий даражасини олиш учун тайёрланган диссертациялар бўйича расмий оппонент сифатида хулосалар тайёрлаган. Умумий илмий фаолияти давомида 3 та юридик фанлар бўйича фалсафа доктори, 10 дан ортиқ магистрлик диссертациялари ва 20 дан ортиқ битирув малакавий ишларига илмий раҳбарлик қилган.

Турғунов Асроржон Анварович
		Кафедра катта ўқитувчиси, адлия кичик маслаҳатчиси Ҳуқуқни муҳофаза қилувчи органларда кўп йиллик амалий тажрибага эга. Меҳнат фаолияти давомида республика илий журналларида ва илмий мақолалар тўпламларида 10 дан ортиқ илмий ва илмий-оммабоп мақолалар, ҳаммуаллифликда 2 та ўқув-услубий қўлланма чоп этган. “Жиноят ишларини тергов қилишда замонавий ахборот технологиялари имкониятларидан фойдаланиш истиқболлари” мавзусида юридик фанлар бўйича фалсафа доктори (PhD) илмий даражасини олиш учун диссертацияни муваффақиятли ҳимоя қилган. Email: turgunov.a.a@proacademy.uz

Шукуров Жахонгир Раббонаевич
		Кафедраси ўқитувчи, адлия кичик маслаҳатчиси Меҳнат фаолияти давомида республика илмий журналларида, газета ва илмий мақолалар тўпламларида 10 дан ортиқ илмий ва илмий-оммабоп мақолалар, ҳаммуаллифликда 1 та ўқув-услубий қўлланма (Ўзбекистон Республикасида ярашув тўғрисидаги ишлар бўйича иш юритиш) чоп этган. “Ўзбекистон Республикасида ярашув институтини қўллаш ва уни такомиллаштириш истиқболлари” мавзусида юридик фанлар бўйича фалсафа доктори (PhD) илмий даражасини олиш учун диссертацияни муваффақиятли ҳимоя қилган. Email: jaxongir.shukurov@proacademy.uz