Ўзбекистон Республикаси Президентининг 2018 йил 8 майдаги ПФ–5438-сон “Прокуратура органлари кадрларини тайёрлаш, қайта тайёрлаш ва уларнинг малакасини ошириш тизимини тубдан такомиллаштириш чора-тадбирлари тўғрисида”ги Фармонига асосан Академияда Магистратура бўлими 2019 йилдан эътиборан фаолият кўрсатиб келган.

Ўзбекистон Республикаси Президентининг 2022 йил 28 ноябрдаги ПФ–257-сон “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги Фармони билан бўлим факультет сифатида қайта ташкил этилди.

Ўзбекистон Республикаси Вазирлар Маҳкамасининг 2023 йил 6 апрелдаги “Ўзбекистон Республикаси Ҳуқуқни муҳофаза қилиш академиясида олий таълим ва олий таълимдан кейинги таълимга қабул қилиш ва ўқитиш тартибини белгилаш чора-тадбирлари тўғрисида”ги 143-сонли қарорига асосан ўқишга қабул қилиш тартиби белгиланган.

Мақсадларимиз:

прокуратура органлари фаолиятининг тегишли йўналишлари бўйича малакали мутахассисларни тайёрлаш;

магистратура тингловчиларини тизимли таҳлил ва танқидий фикрлашга ўргатиш орқали жамиятда уларнинг ўз ўрнига эришишига кўмаклашиш;

тингловчиларда шахсий ва ишчанлик сифатларини ривожлантиришга оид билим ва кўникмаларни шакллантириш;

ёшлар тадқиқотчиларнинг ўқув, ўқув-услубий ва илмий фаолиятини рағбатлантириш;

тингловчиларни давлат ҳокимияти бошқаруви органлари, олий таълим ва илмий-тадқиқот марказларига, шу жумладан хорижий давлатларга стажировкага юбориш орқали уларнинг билим ва кўникмаларини янада юксалтириш;

тингловчиларнинг назарий билимларини қонунчилик фаолияти ва ҳуқуқни қўллаш амалиёти билан узвий боғлиқлигини таъминлашга эришиш.

Асосий вазифаларимиз:

Академия тегишли тармоқларининг магистрларни тайёрлаш бўйича фаолиятини мувофиқлаштириш ва назорат қилиш;

магистрлар тайёрлаш фаолиятининг сифат кўрсаткичларини мунтазам равишда таҳлил қилиш ва улар юзасидан ҳисоботлар тайёрлаш;

назарий тайёргарликнинг ҳуқуқни қўллаш фаолияти билан узвий боғлиқлигини таъминлайдиган ўқитишнинг замонавий шакл ва усулларига мувофиқ бўлган ўқув жараёнини ташкил этиш;

етакчи миллий ва хорижий таълим муассасалари, таҳлилий, илмий-тадқиқот марказлари билан ҳамкорлик қилиш бўйича таклифлар ишлаб чиқиш;

ўқув жараёнига прокуратура, суд ва ҳуқуқни муҳофаза қилувчи органлар, шунингдек етакчи маҳаллий ва хорижий таълим муассасалари етакчи мутахассисларини жалб этиш бўйича Академия раҳбариятига таклифлар киритиш;

тегишли тармоқлар билан келишган ҳолда магистратура йўналиши дарс жадвали ва ўқув дастурларини ишлаб чиқиш;

тингловчиларга оид ҳужжатларнинг ўз вақтида тайёрланиши ва расмийлаштирилишини таъминлаш;

магистратура тингловчилари томонидан одоб-ахлоқ қоидалари ва Академиянинг ички тартиб-қоидаларига риоя қилинишини, шунингдек, малакавий амалиёт ва стажировка ўташини назорат қилиш;

магистрлик диссертацияси мавзулари ва илмий раҳбарлар рўйхатини тайёрлаш;

магистратура тингловчиларининг якуний давлат аттестациясини ўтказиш ишларини ташкил этиш.

Хидоятуллаев Алишер Тоирович
		Факультет бошлиғи, ю.ф.ф.д. (PhD), доцент. “Аккредитивни фуқаролик ҳуқуқий тартибга солиш масалалари” мавзусида юридик фанлар бўйича фалсафа доктори (PhD) илмий даражасини олиш учун докторлик ишини ёқлаган. Email: a.hidoyatullaev@proacademy.uz

30 дан ортиқ илмий мақолалар ҳамда бир қатор илмий-амалий қўлланмалар муаллифи.

Саттаров Жасурбек Авазбекович
		Факультет катта прокурори. "Ёлғон хабар ёки гувоҳлик беришнинг жиноят-ҳуқуқий жиҳатлари” мавзусида юридик фанлар бўйича фалсафа доктори (PhD) илмий даражасини олиш учун диссертация иши олиб бормоқда. Email: j.a.sattarov@proacademy.uz

10 дан ортиқ илмий мақолалар муаллифи.