КАФЕДРАНИНГ МАҚСАДИ

Кафедранинг мақсади иқтисодий жиноятлар, жиноий фаолиятдан олинган даромадларни легаллаштириш, терроризмни молиялаштириш ва оммавий қирғин қуролини тарқатишни молиялаштиришга қарши курашиш йўналиши бўйича кадрларни келгуси хизмат фаолиятига тайёрлаш, уларнинг касбий билим, кўникма ва малакаларини шакллантириш ва ривожлантириш, ўқув-услубий, ўқув-амалий, илмий-тадқиқот фаолиятини амалга ошириш.

Кафедра томонидан қуйидаги модуллар ўқитилади:

“Иқтисодий жиноятларга ва жиноий даромадларни легаллаштиришга қарши курашиш фаолиятини ташкил этиш”, “Энергия ресурсларидан ноқонуний фойдаланишга қарши курашиш”, “Терроризмни молиялаштиришга қарши курашиш”, “Иқтисодий хавфсизлик асослари”, “Коррупцияга қарши курашиш соҳасидаги долзарб муаммолар”, “Активларни ишга солмай тўхтатиб қўйиш, хатлаш, мусодара қилиш ва уларни бошқариш”, “Жиноий фаолиятдан олинган даромадларни легаллаштириш ва терроризмни молиялаштириш ҳолатлари бўйича молиявий (параллел) тергов ўтказиш масалалари”.

МОДУЛЛАР БЎЙИЧА БИЛИМ, КЎНИКМА ВА МАЛАКАЛАРГА ҚЎЙИЛГАН ТАЛАБЛАР

Модулларни якунлагандан сўнг тингловчи:

иқтисодий жиноятлар, жиноий даромадларни легаллаштириш, терроризмни молиялаштириш, энергия ресурсларини талон-торож қилиш, коррупцион жиноятларнинг мазмун-моҳияти, уларнинг хусусиятлари, турлари, жавобгарлик асослари, жавобгарликка тортишнинг ўзига хос хусусиятлари, бу боарадаги халқаро стандарлар ҳақида билимларга;

иқтисодий жиноятлар, жиноий даромадларни легаллаштириш, терроризмни молиялаштирнинг олдини олиш ва уларга қарши курашишни ташкил этиш, аниқлаш ва фош этишнинг махсус усуллари, ахборот тўплаш, очиқ маълумотлар билан ишлаш усуллари, молиявий тергов олиб бориш, жиноий даромад ва активларни қайтариш юзасидан кўникмаларга;

ҳуқуқни муҳофаза қилувчи органлар ходимлари томонидан иқтисодий жиноятлар, жиноий даромадларни легаллаштириш ва терроризмни молиялаштиришга қарши курашиш фаолиятини тўғри ва самарали ташкил қилиш, ўқув кўникмаларини тадбиқ этиш малакасига эга бўлади.

КАФЕДРАНИНГ ФАОЛИЯТИ

Ўқув-услубий ишларни жорий этиш борасида кафедра профессор-ўқитувчилари томонидан “Жиноий фаолиятдан олинган даромадларни легаллаштириш ҳолатлари бўйича молиявий тергов ўтказиш”, “Энергия ресурслари ва ичимлик сувини талон-тарож қилиш механизмларини аниқлаш ва фош этиш”, “Жиноий даромадларни легаллаштириш ва терроризмни молиялаштиришга қарши курашишнинг миллий тизими”, “Солиққа оид ҳуқуқбузарликлар учун жавобгарлик” номли ўқув қўлланмалари, услубий тавсиялар чоп этилди.          

Кафедра таркибида жиноий даромадларни легаллаштиришга, терроризмни молиялаштиришга қарши кураш ўқув-услубий маркази фаолият юритади.

Кафедранинг асосий фаолият йўналиши:

– жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш соҳасида илмий тадқиқотларни амалга ошириш;

– жиноий фаолиятдан олинган даромадларни легаллаштиришга ва терроризмни молиялаштиришга қарши курашиш масалалари бўйича ўқув-услубий тадбирларни ташкил этиш ва ўтказиш;

– хорижий давлатлар экспертлари ҳамда соҳанинг етук мутахассисларини жалб этган ҳолда кадрларини қайта тайёрлаш ва малакасини ошириш учун даврий равишда ўқув-амалий семинарларни ташкил этиш;

– кадрларини қайта тайёрлаш ва малакасини ошириш тизимида ягона ўқув-услубий базани ишлаб чиқиш;

– хорижий давлатлар билан ҳамкорликда миллий тизим самарадорлигини оширишга кўмаклашиш ҳамда ўзаро тажриба алмашишдан иборат.

Халқаро ҳамкорликни таъминлаш борасида кафедра томонидан иқтисодий жиноятлар, жиноий даромадларни легаллаштириш, терроризмни молиялаштиришга қарши курашиш, активларни қайтариш борасида БМТнинг наркотиклар ва жиноятчиликка қарши курашиш бошқармаси, Европа Кенгаши, Европа Иттифоқи каби нуфузли идоралар билан самарали ҳамкорлик ўрнатилган бўлиб, халқаро стандартларни миллий қонунчиликка имплементация қилиш, хорижий тажрибани ўрганиш борасида ҳуқуқни муҳофаза қилувчи органлар ходимларининг касбий кўникмаларини, малакасини оширишга қаратилган семинар, тренинглар, конференциялар ташкил этиб келинмоқда.

ПРОФEССОР-ЎҚИТУВЧИЛАР ТАРКИБИ

Ахмадалиев Хуршид Абдихакимович
		Кафедра бошлиғи в.в.б., адлия катта маслаҳатчиси. E-mail: x.a.axmadaliyev@proacademy.uz

Жиноий даромадларни легаллаштиришга ва терроризмни молиялаштиришга қарши курашиш бўйича Евроосиё гуруҳининг Баҳолаш ва ҳуқуқий масалалар бўйича ишчи гуруҳининг ҳамраиси лавозимига (2025-2026 йй.) сайланган.

Евроосиё гуруҳининг экспертлар реестрига киритилган.

“Ўзбекистон Конституциясига 30 йил”, “Ўзбекистон прокуратурасига 30 йил” эсдалик нишонлари, “Мустақил Давлатлар Ҳамдўстлиги Молиявий разведка бўлинмалари кенгашининг фахрий ходими” кўкрак нишони, Евроосиё гуруҳининг фахрий ёрлиғи билан тақдирланган.

Мирзаев Файзулла Ибадуллаевич
		Кафедра доценти, адлия катта маслаҳатчиси. Иқтисодиёт фанлари номзоди, “Жиноий даромадларни легаллаштиришга қарши курашишнинг маъмурий-ҳуқуқий механизмларини такомиллаштириш” мавзусида юридик фанлар бўйича фалсафа доктори (PhD) илмий даражасини олиш учун диссертация иши олиб бормоқда. Email: f.i.mirayev@proacademy.uz

“Ўзбекистон прокуратурасига 30 йил” эсдалик нишони билан тақдирланган.

Гафуров Икромжон Илхомович
		Кафедра катта ўқитувчиси, адлия катта маслаҳатчиси. “Тезкор-қидирув фаолияти натижаларидан жиноят процессида исботлаш воситаси сифатида фойдаланишни такомиллаштириш (иқтисодий жиноятлар мисолида)” мавзусида юридик фанлар бўйича фалсафа доктори (PhD) илмий даражасини олиш учун диссертация иши олиб бормоқда. Email: i.i.gafurov@proacademy.uz

Миллий барқарор ривожланиш мақсадларининг “Самарали бошқарув” йўналиши (БРМ 16-мақсади ва бошқа вазифалар) бўйича экспертлар ишчи гуруҳ аъзоси

“Ўзбекистон Конституцияга 25 йил” эсдалик нишони ҳамда

“Ўзбекистон прокуратурасига 30 йил” эсдалик нишони билан тақдирланган.

Хомидов Шухрат Гафуржонович
		Кафедра ўқитувчиси, адлия маслаҳатчиси. E-mail: sh.xomidov@proacademy.uz

Жиноий даромадларни легаллаштиришга ва терроризмни молиялаштиришга қарши курашиш соҳасида халқаро эксперт-баҳоловчи. 

МДҲга аъзо давлатлар Молиявий разведка бўлинмалари раҳбарлари кенгашининг “МДҲга аъзо давлатлар Молиявий разведка бўлинмалари раҳбарлари кенгашига 10 йил” юбилей эсдалик нишони, Жиноий даромадларни легаллаштиришга ва терроризмни молиялаштиришга қарши курашиш бўйича Евроосиё гуруҳининг “ЕАГга 20 йил” юбилей нишони билан тақдирланган.

Ибрагимов Муроджон Жуманазарович
		Кафедра ўқитувчиси. “Соғлиқни сақлаш соҳасида коррупциянинг олдини олишда комплаенс-назорат тизимини такомиллаштиришнинг ташкилий-ҳуқуқий асослари” мавзусида юридик фанлар бўйича фалсафа доктори (PhD) илмий даражасини олиш учун диссертация иши олиб бормоқда. Email: m.j.ibragimov@proacademy.uz