Кафедра юриспруденция соҳасида кадрларни тайёрлаш, ходимларни касбий қайта тайёрлаш ва уларнинг малакасини ошириш  жараёнларида иштирок этиб, ўз фаолиятини қуйидаги йўналишлар бўйича амалга оширади:

жиноят судларида прокурор ваколатини таъминлаш;

фуқаролик суд ишларини юритишда прокурор ваколатини таъминлаш;

иқтисодий суд ишларини юритишда прокурор ваколатини таъминлаш;

маъмурий судларда прокурор ваколатини таъминлаш;

судлар томонидан жиноят ҳуқуқи нормаларини қўллаш масалалари;

фуқаролик қонун ҳужжатларини қўллаш масалалари;

суд органлари ва бошқа органлар ҳужжатларини ижро қилиш масалалари ва ушбу қонунчилик ижроси устидан назорат;

жиноий жазоларни ижро этиш соҳасидаги қонунчилик ижроси устидан назорат.

ПРОФEССОР-ЎҚИТУВЧИЛАР ТАРКИБИ

Раджапова Муҳтарам Зиёдуллаевна
		Кафедра бошлиғи, адлия катта маслаҳатчиси, ю.ф.ф.д. (PhD), доцент. “Жиноят ишларини юқори суд инстанцияларида кўрилишида прокурор функциялари ва ваколатларини такомиллаштириш: қиёсий-ҳуқуқий таҳлил” мавзусида диссертация ишини ҳимоя қилган.

Прокуратура органларида 40 йилдан ошиқ меҳнат тажрибасига эга.

40 га яқин илмий нашрлар, шу жумладан 3 та дарслик,  2 та монография, 6 та ўқув-амалий қўлланма ва практикум муаллифи.

Прокуратура фахрий ходими, Ўзбекистон Республикаси Президентининг Фармонига кўра “Шуҳрат” медали, Ўзбекистон Республикаси Бош прокурорининг буйруғи билан 3-даражали “Аъло хизматлари учун” кўкрак нишони, “Фидойи мураббий” кўкрак нишони, “Ўзбекистон прокуратурасига 25 йил” эсдалик нишони, Ўзбекистон Хотин-қизлар қўмитаси раисининг қарорига кўра “Мўътабар аёл” кўкрак нишони билан тақдирланган.

Ярашев Бахромбек Рустамович
		Кафедра ўқитувчиси, адлия маслаҳатчиси. “Биринчи инстанция судларида суд терговининг процессуал жиҳатларини такомиллаштириш” мавзусида илмий тадқиқот ўтказмоқда.

Бир қатор илмий нашрлар, шу жумладан ўқув-услубий қўлланмалар муаллифи.

Ўзбекистон Республикаси Президентининг Фармонига кўра таъсис этилган “Ўзбекистон Конституциясининг 30 йиллиги” кўкрак нишони, Ўзбекистон Республикаси Бош прокурорининг буйруқларига асосан “Ўзбекистон прокуратурасига 25 йил”, “Ўзбекистон прокуратурасига 30 йил” эсдалик нишонлари билан тақдирланган.

Қандаҳорова Дилноза Сатторовна
		Кафедра катта ўқитувчиси, адлия маслаҳатчиси. “Етим болаларнинг ижтимоий ҳуқуқларини ҳимоя қилишда прокурор назоратининг айрим масалалари” мавзусида илмий тадқиқот олиб бормоқда.

Бир қатор илмий нашрлар муаллифи. Шу жумладан, “Қонун ҳимоясига ҳаёт бахшида” номли Ўзбекистон Республикаси прокуратура органлари ташкил этилганлигининг 30 йиллига бағишланган китоб, 1937-1940 йилларда қатағон қурбонлари бўлган  прокуратура ходимларига бағишланган “Тарихий хотира беқиёс” номли китоблар яратилишида муаллифлар жамоаси таркибида самарали фаолият олиб борган.

Ўзбекистон Республикаси Президентининг Фармонига кўра “Шуҳрат” медали, Ўзбекистон Республикаси Президентининг Фармонига кўра таъсис этилган “Ўзбекистон мустақиллигининг 15 йиллиги” кўкрак нишони, Ўзбекистон Республикаси Бош прокурорининг буйруқларига кўра “Ўзбекистон прокуратурасига 25 йил”, “Ўзбекистон прокуратурасига 30 йил” эсдалик нишонлари билан тақдирланган.

Мирмахмудов Зохиджон Ирисметович
		Кафедра катта ўқитувчиси, адлия катта маслаҳатчиси. “Жиноий жазо сифатида жариманинг назарий ва амалий жиҳатлари” мавзусида илмий тадқиқот ишини олиб бормоқда.

Бир қатор илмий нашрлар, шу жумладан ўқув-услубий қўлланмалар муаллифи.
Ўзбекистон Республикаси Президентининг Фармонига кўра таъсис этилган  “Ўзбекистон Мустақиллигининг 30 йиллиги” эсдалик нишони, Ўзбекистон Республикаси Бош прокурорининг “Ўзбекистон прокуратурасига 30 йил” эсдалик нишони билан тақдирланган.

Дусманов Санжар Абдужалолович
		Кафедра ўқитувчиси, адлия маслаҳатчиси,юридик фанлар бўйича фалсафа доктори (PhD). “Соддалаштирилган тартиб институтини жиноят ишлари юритувига жорий қилиш истиқболлари” мавзусида бажарилган диссертацияни ҳимоя қилган.

20 дан ортиқ илмий нашрлар муаллифи. Ўзбекистон Республикаси Президентининг Фармонига кўра таъсис этилган  “Ўзбекистон Мустақиллигининг 30 йиллиги” эсдалик нишони билан тақдирланган.

Эсаналиев Садриддин Нуриддин ўғли
		Кафедра ўқитувчиси, 1-даражали юрист. “Жиноят процессида дастлабки эшитув институтини такомиллаштириш масалалари” мавзусидаги илмий тадқиқот ишини амалга оширган.

Худойбердиева Гулнора Аманмурадовна
		Кафедра профессори, ю.ф.н., профессор. “Турдош ҳуқуқларни фуқаролик-ҳуқуқий муҳофаза қилиш муаммолари” мавзусидаги диссертацияни ҳимоя қилган.

30 дан ортиқ илмий нашрлар, шу жумладан “Интеллектуал мулк ҳуқуқи” дарслигининг муаллифи.

Ўзбекистон Хотин-қизлар қўмитаси раисининг қарорига кўра “Мўътабар аёл” кўкрак нишони билан тақдирланган.