Ўзбекистон Республикаси Ҳуқуқни муҳофаза қилиш академиясининг Тил ўргатиш кафедраси Ўзбекистон Республикаси Президентининг 2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ–257-сон фармонига асосан ташкил этилган.      

Кафедрада магистратура йўналишида “Юридик инглиз тили” ва бакалавриат йўналиши бўйича “Юристлар учун хорижий тил” модулларидан дарс машғулотлари олиб борилади.

Тил ўргатиш кафедрасининг асосий мақсади – талаба ва тингловчиларда чет тили коммуникатив компетенсиясини ривожлантириб, эгалланган билим, кўникма ва малакаларни мулоқот жараёнида самарали қўллаш қобилиятини оширишдан иборатдир. Шу билан бирга, чет тилларни ўрганишда мустақил ишлаш кўникмаларини шакллантириш, замонавий педагогик технологиялар ва инновацион услублар орқали таълим самарадорлигини таъминлаш кафедранинг устувор йўналиши ҳисобланади.

Кафедранинг асосий вазифалари – талаба ва тингловчиларнинг мустақил таълим олиш жараёнига замонавий усул ва воситаларни жорий этиш, ўқув жараёнига янги методлар, инновацион педагогик технологиялар, шакл ва воситаларни татбиқ этиш, шунингдек, педагогика соҳаси ва ҳуқуқни муҳофаза қилувчи органлар амалий фаолиятига оид илғор хорижий тажрибалар ҳамда илмий тадқиқотлар натижаларини чет тилларида татбиқ этишни таъминлашдан иборатдир.

ПРОФEССОР-ЎҚИТУВЧИЛАР ТАРКИБИ

Мирзокулова Хурсаной Нематжоновна
		Кафедра катта ўқитувчиси, кафедра бошлиғи в.в.б, 3-даражали юрист. 13.00.01. Педагогика назарияси. Педагогик таълимотлар тариҳи ихтисослиги бўйича “Бўлажак ҳуқуқшуносларнинг инглиз тилида ёзув кўникмаларини лойиҳавий фаолият технологияси ёрдамида ривожлантириш” мавзусида педагогика фанлар бўйича фалсафа доктори (PhD) илмий даражасини олиш учун диссертация иши олиб бормоқда.   Email: x.n.mirzokulova@proacademy.uz

Халқаро ҳамда республика миқёсидаги конференциялар ва журналларда 10 дан ортиқ мақола ва тезислар нашр эттирган. 

Ҳуқуқшунослик йўналишида таҳсил олаётган талабалар учун “Initial legal English” номли дарслик ва ўқув қўлланма муаллифи. 

Юлдашев Хуршид Нозим ўғли
		Кафедра ўқитувчиси, 3-даражали юрист.  Ҳозирда “Effective strategies of teaching English in large classes” мавзусида  педагогика фанлар бўйича фалсафа доктори (PhD) илмий даражасини олиш учун диссертация иши олиб бормоқда.  Email: x.n.yuldashev@proacademy.uz

Миллий тил сертификати Multilevel C1 даражаси ва халқаро IELTS имтихонидан 8.0 бални қўлга киритган.

Нишонов Илҳомджон Дилмуродович
		Кафедра ўқитувчиси. Email: i.d.nishonov@proacademy.uz Ҳозирда “Уилям Гибсон асарларида келажак тамаддуни образи” мавзусида 10.00.04 – Европа, Америка ва Австралия халқлари тили ва адабиёти ихтисослигида филология фанлари бўйича фалсафа доктори (PhD) илмий даражасини олиш учун тадқиқот иши олиб бормоқда.

ОАК рўйхатига кирувчи журналларда 7 та, халқаро импакт-факторли журналларда 4 та ва халқаро ҳамда республика миқёсидаги конференцияларда 10 та тезис чоп эттирган.