КАФЕДРАНИНГ МАҚСАД ВА ВАЗИФАЛАРИ

Ўзбекистон Республикаси Ҳуқуқни муҳофаза қилиш академиясининг Жиноят ҳуқуқи ва криминология кафедраси Ўзбекистон Республикаси Президентининг 2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ–257-сон Фармонига мувофиқ ташкил этилган.

Кафедра Академиянинг таркибий бўлинмаси ҳисобланиб, унда таълим беришнинг модуль тизими асосида ўқув ва илмий-методик ишлар билан боғлиқ фаолият амалга оширилади.

Жиноят ҳуқуқи ва криминология соҳасида етук, замонавий фикрлайдиган, малакали кадрларни тайёрлаш кафедранинг асосий мақсади ҳисобланади.

Кафедранинг ўқув ва илмий-методик ишлар билан боғлиқ асосий вазифалари:

модуль тизими ва ўқитишнинг инновацион методлари, ахборот-коммуникация технологияларини қўллаган ҳолда юридик таълим йўналишлари ва мутахассисликлари бўйича юқори малакали, таҳлилий мулоҳаза юрита оладиган, норматив-ҳуқуқий ҳужжатларни шарҳлаш ва мустақил равишда қарорлар қабул қилиш маҳоратига эга бўлган, истиқболга мўлжалланган вазифаларни илгари суриш ҳамда ҳал этишга қодир жиноят ҳуқуқи ва криминология йўналиши бўйича билимга эга бўлган мутахассисларни шакллантиришга қаратилган ўқув ишларини ташкил этиш;

ўқув жараёнини илмий-методик, ўқув-услубий материаллар билан таъминлаш, ушбу соҳадаги хорижий тажрибани ўрганган ҳолда профессор-ўқитувчиларнинг меҳнат унумдорлиги ва таълим сифати ҳамда самарадорлигини оширишга хизмат қиладиган замонавий таълим технологияларини жорий қилиш.

ПРОФEССОР-ЎҚИТУВЧИЛАР ТАРКИБИ

Каримов Хуршид Акрамович
		Ўзбекистон Республикаси Ҳуқуқни муҳофаза қилиш академияси Жиноят ҳуқуқи ва криминология кафедраси бошлиғи, ю.ф.ф.д.,(PhD) профессор, адлия катта маслаҳатчиси. Email: x.a.karimov@proacademy.uz   “Қийноққа солишнинг жиноят-ҳуқуқий ва криминологик жиҳатлари” мавзусида юридик фанлар бўйича фалсафа доктори (PhD) илмий даражасини олиш учун диссертацияни муваффақиятли ҳимоя қилган.

“Жиноят ҳуқуқи”, “Жиноятчиликка қарши курашишда халқаро ҳамкорлик ва ДХХ ваколатига тегишли жиноятларнинг умумий-ҳуқуқий тавсифи”, “Суд ва ҳуқуқни муҳофаза қилувчи органлар”, “Суд ва ҳуқуқни муҳофаза қилувчи органлар. Адвокатура” каби дарсликлар ҳаммуаллифи, “Жиноят таркиби ва жиноий  жавобгарлик асослари”, “Қийноқларга қарши курашга оид халқаро стандартлар ва миллий қонунчилик ҳамда жиноий жавобгарлик масалалари”, “Маъмурий преюдияга оид жиноятларни квалификация қилиш муаммолари”, “Жиноятларни квалификация қилишдаги муаммолар: таҳлил ва мулоҳазалар”, “Жиноят ҳуқуқи умумий қисмининг айрим масалалари” каби ўқув қўлланмалар ҳамда “Жиноятларни таснифлаш” номли монография муаллифи.  

2017 йилда “Ўзбекистон Конституциясига 25 йил” эсдалик нишони;

2022 йилда “Ўзбекистон прокуратурасига 30 йил” эсдалик нишони;

2021 йилда Ўзбекистон Республикаси Бош прокурорининг Фахрий ёрлиғи билан тақдирланган.

Абдурахманов Азизбек Уралович
		Кафедра катта ўқитувчиси, адлия маслаҳатчиси Email: a.u.abduraxmanov@proacademy.uz  2021 йилда “Ўзбекистон мустақиллигига 30 йил” эсдалик нишони; 2022 йилда “Ўзбекистон прокуратурасига 30 йил” эсдалик нишони билан тақдирланган.

Матчанов Шерзод Камилович
		Кафедра катта ўқитувчиси, адлия маслаҳатчиси Email: sh.k.matchanov@proacademy.uz 20 дан ортиқ илмий ва илмий-оммабоп мақолалари эълон қилинган; 2020 йилда “Меҳр-саховат” кўкрак нишони билан тақдирланган.

Халмуратов Айбек Оразбаевич
		Кафедра катта ўқитувчиси, 1-даражали юрист “Кибержиноятларни тергов қилишнинг ўзига хос хусусиятлари” мавзусида юридик фанлари бўйича фадсафа доктори (PhD) илмий ишини амалга оширмоқда. Email: bekbayevich@proacademy.uz

Облакулов Давлат Олтинбоевич
		Кафедра ўқитувчиси, 1-даражали юрист  Юридик фанлар бўйича фалсафа доктори (PhD) илмий даражасини олиш учун «Тижорат пора олиш учун жавобгарликни такомиллаштириш (халқаро стандартлар ва айрим хорижий давлатлар тажрибаси асосида)» мавзусида диссертация устида иш олиб бормоқда. Бугунги кунга қадар 2 та монография (ҳаммуаллифликда) ва 40 дан ортиқ илмий мақолалар нашр этилган. Email: d.o.oblakulov@proacademy.uz

Марданов Фарход Нарзуллаевич
		Кафедра ўқитувчиси, ю.ф.ф.д.(PhD), 1-даражали юрист  Email: mardonov-f@mail.ru