КАФEДРАНИНГ МАҚСАДИ

Кафедранинг мақсади – Ўзбекистон Республикаси ҳуқуқни муҳофаза қилувчи органлари суриштирув ва тергов фаолияти йўналиши бўйича кадрларини келгуси хизмат фаолиятига тайёрлаш, уларнинг касбий-жанговар ва жисмоний тайёргарлиги бўйича билим, кўникма ва малакаларини шакллантириш ва ривожлантириш.

КАФEДРАНИНГ ВАЗИФАЛАРИ

Кафедранинг асосий вазифалари қуйидагилардан иборат:

ҳарбий ва жисмоний тайёргарлик бўйича фанларни ўқитиш жараёнида иштирок этиш ҳамда ўқув-услубий, ўқув-амалий, илмий-тадқиқот ишларини амалга ошириш, юклатилган фанлар ва ўқув модуллари бўйича дарс машғулотларини олиб бориш;

ўқитишнинг замонавий педагогик ва ахборот-коммуникация технологиялари, масофавий таълим имкониятларидан фойдаланиб, ўқитишнинг амалий хусусиятига, прокуратура ва бошқа ҳуқуқни муҳофаза қилувчи органларининг касбий фаолияти билан узвий боғлиқликка таянган ҳолда, ўқув машғулотларини ҳарбий ва жисмоний тайёргарликни такомиллаштиришга йўналтирилган ҳолда амалга ошириш;

бириктирилган соҳалар бўйича блок-модулли тизимга асосланган ҳолда ўқув-методик мажмуаларни, шу жумладан намунавий ўқув дастурлари, ўқув режалари, ишчи ўқув дастурлари ва режалари, тарқатма материаллар, муаммоли вазиятлар, кейслар, казуслар, саволлар жамланмаси, очиқ, ёпиқ ва бошқа шаклдаги тестлар, масалалар жамланмасини ишлаб чиқиш;

кафедрага бириктирилган соҳалар бўйича бакалавриат йўналиши бўйича амалга оширилаётган ўқув жараёнида иштирок этиш ва ўқув машғулотларининг барча турларини (маъруза, фаол маъруза, семинар, амалий машғулот, мустақил машғулот, электрон шаклда масофавий машғулот), шу жумладан очиқ дарсларни ўтказиш;

ҳарбий ва жисмоний тайёргарлик фанларига тааллуқли норматив-ҳуқуқий ҳужжатлар, Бош прокурор буйруқлари ҳамда Бош прокуратура ҳайъатининг соҳага доир қарорларининг тўлиқ базасини шакллантиришни ва уни мунтазам равишда янгилаб боришни таъминлаш;

прокуратура органлари фаолиятини илмий-методик жиҳатдан таъминлаш, фундаментал, амалий ва инновацион тадқиқотлар ўтказиш, қонун устуворлигини таъминлаш, қонунийликни мустаҳкамлаш, фуқароларнинг ҳуқуқ ва эркинликларини, жамият ва давлатнинг қонун билан муҳофаза қилинадиган манфаатларини қўриқлаш, ҳуқуқбузарликлар профилактикасининг долзарб муаммолари юзасидан Академия томонидан тизимли асосда амалга оширилаётган илмий-тадқиқот дастурлари ва лойиҳаларида иштирок этиш;

тааллуқли соҳа ва масалалар бўйича фундаментал, илмий-тадқиқот изланишларда иштирок этиш, ўқув, ўқув-услубий, ўқув-амалий қўлланмалар тайёрлаш;

бириктирилган йўналишлар бўйича бажарилган илмий-тадқиқот ишлари юзасидан эксперт таҳлилини ўтказишда иштирок этиш, улар бўйича хулосалар, тафсия ва тақризлар бериш;

назарий тайёргарликни прокуратура ҳамда ҳуқуқни муҳофаза қилувчи органлар фаолияти амалиёти билан яқиндан боғлаш, талабаларда зарур кўникма ва билимларни шакллантириш мақсадида тегишли профессор-ўқитувчи ва амалиётчи-ходим (ҳарбий хизматчи)лар билан ҳамкорликда мастер-класс, амалий, кўргазмали машғулотлар ва бошқа тадбирлар ташкиллаштириш;

бошқа ўқув-илмий муассасаларининг турдош кафедралари билан ижодий ҳамкорликни ўрнатиш, энг яхши ўқитувчиларнинг иш тажрибасини ўрганиш ҳамда соҳа бўйича амалдаги қонунчиликни ҳамда ўқув-тарбиявий жараённи такомиллаштириш масалаларида ҳужжатлар алмашинувини таъминлаш.

Қонун ҳужжатларига мувофиқ Кафедра зиммасига бошқа вазифалар ҳам юклатилиши мумкин.

КАФEДРА ТОМОНИДАН ЎҚИТИЛАДИГАН МОДУЛЛАР

Кафедра томонидан қуйидаги модуллар ўқитилади:

“Ҳарбий-ватанпарварлик тайёргарлиги” – ўз ичига “Маънавий-маърифий тайёргарлик”, “Умумҳарбий низомлар ва саф тайёргарлиги”, “Тактик тайёргарлик”, “Отиш тайёргарлиги”, “Ҳарбий топография”, “Мухандислик тайёргарлиги”, “Фуқаро муҳофазаси”, “Жисмоний тайёргарлик” фанларини олади;

“Биринчи тиббий ёрдам асослари ва валеология”.

МОДУЛЛАР БЎЙИЧА БИЛИМ, КЎНИКМА ВА МАЛАКАЛАРГА ҚЎЙИЛГАН ТАЛАБЛАР

Модулларни якунлагандан сўнг талаба:

Ўзбекистон Республикасининг Мудофаа соҳасидаги сиёсати, Мудофаа доктринаси, Қуролли Кучларнинг Умумҳарбий низомлари ва уларнинг моҳияти; ҳуқуқни муҳофаза қилувчи органларда мавжуд бўлган ўқотар қурол ва махсус воситалар; замонавий умумқўшин жанги асослари; касбга йўналтирилган амалий жисмоний тайёргарликда жисмоний тарбия ва спорт воситалари, жисмоний сифатларни ривожлантириш воситалари ва методлари ҳақида билимларга;

ҳарбий хизматчи (ходим)лар ва улар ўртасидаги ўзаро муносабатларни амалга ошириш; якка ҳарбий хизматчи ва кичик бўлинмаларнинг жанговар шароитда қурол билан ҳаракатланиш, жанговар вазифани бажариш вақтида кичик бўлинмани бошқариш; жисмоний машқ ва усуллар техникаси ва тактикасидан фойдалана олиш; усул ва машқларни бажариш, қўл жанги усулларини; биринчи тиббий ёрдам кўрсатиш бўйича билимларга ва уларни амалиётда самарали қўллаш бўйича кўнималарига;

модуллар бўйича олган билимлари асосида амалиётда саф усулларини бажариш ҳамда ҳуқуқни муҳофаза қилувчи органларда мавжуд бўлган ўқотар қурол ва махсус воситалардан самарали фойдалана олиш; жисмонан такомиллаштиришда ўқув ва кўникмаларни тадбиқ этиш ҳамда қўлга олиш усулларини қўллаш малакасига эга бўлади.

КАФEДРАНИНГ ФАОЛИЯТИ

Ўқув ва ўқув-услубий ишлар ҳозирги кунга қадар кафедра профессор-ўқитувчилари томонидан “Ҳарбий хизмат тайёргарлиги” номли дарслик, “Огневая подготовка”, “Ўқ отиш тайёргарлиги”, “Самбо асослари”, “Оммавий қирғин қуроллари, уларнинг турлари ва шикастловчи омиллари”, “Баскетбол”, “Қўл жанги усуллари” ва “Ҳарбий топография” номли ўқув қўлланмалар ҳамда бир нечта рисола, услубий ва ўқув-услубий қўлланмалар чоп этилди. Ҳозирда модулларнинг дастурлари доирасида тегишли ўқув адабиётлар тайёрланмоқда.

Ўқув режа ва дастурлар ишлаб чиқилиб, белгиланган маъруза ва амалий машғулотлар ўтказиб келинмоқда. Ички ишлар, Мудофаа вазирликлари ва Миллий гвардия ҳарбий қисм ва олий таълим муассасалари билан самарали ҳамкорлик ўрнатилган, уларнинг ҳарбий хизматчи (ходим) мутахассислари билан биргаликда тизимли равишда мастер-класс, амалий машғулот, қўргазма, учрашув ва давра суҳбатлари ташкиллаштириб келинмоқда.

Илмий ва илмий услубий соҳада ҳозирда илмий салоҳияти 75 фоизни ташкил этади. Кафедра профессор-ўқитувчилари томонидан ҳалқаро илмий журналларда – 50 дан ортиқ, республика илмий журналларида – 20 дан ортиқ мақолалар, ҳалқаро ва республика конференциялари тўпламларида – 50 дан ортиқ тезислар чоп этилган.

Кафедранинг фаолиятидан келиб чиқиб, ҳозирги кунга қадар республика ва ҳалқаро илмий-амалий конференциялар ташкиллаштирилди ва ўтказилди.

Жисмоний тарбия ва спорт йўналиши бўйича спорт клуби ташкил этилиб, унинг доирасида спортнинг тўртта тури бўйича тўгарак фаолияти йўлга қўйилди. Ўзбекистон самбо ва енгил атлетика федерациялари билан ҳамкорлик меморандумлар имзоланган.

Жисмоний тарбия ва спорт машғулотларини самарали ташкиллаштириш учун барча керакли иншоот ва объектлар, жумладан спорт турлари учун мўлжалланган гимнастика майдончалари мавжуд, қисқа давр ичида тегишли шарт-шароитлар яратилиб, спорт анжомлари ва воситалари билан таъминланди.

Академияда мунтазам равишда спортнинг ҳар хил турлари бўйича ходим, профессор-ўқитувчилар ва талабалар ўртасида мунтазам равишда мусобақалар ўтказиб келинмоқда.

ПРОФEССОР-ЎҚИТУВЧИЛАР ТАРКИБИ

Узаков Шухрат Шарапович
		Ҳарбий ва жисмоний тайёргарлик кафедраси бошлиғи, генерал-майор, прокуратура фахрийси. “Дастлабки терговда жабрланувчининг ҳуқуқ ва қонуний манфаатларини прокурор томонидан таъминланиши” мавзусида юридик фанлар бўйича фалсафа доктори (PhD) илмий даражасини олиш учун диссертация иши олиб бормоқда. Email: sh-sh-uzakov@proacademy.uz

2015 йилда “Ўзбекистон Республикасида хизмат кўрсатган юрист” фахрий унвони

2001 йилда “Шуҳрат” медали

2022 йилда “МДҲ давлатларининг Бош прокурорлари Мувофиқалаштириш кенгаши” медали

“Шанхай ҳамкорлик ташкилотига 10 йил” эсдалик нишони

Россия Федерацияси ва Белоруссия Бош прокуратураларининг эсдалик нишонлари

Хитой, Тожикистон, Кирғизистон ва Қозоғистон Бош прокуратураларининг эсдалик нишонлари

Ўзбекистон Республикаси эсдалик нишонлари билан тақдирланган.

Шакиров Шухратжон Тахирович
		Кафедра доценти в.б., полковник, 1-даражали адлия маслаҳатчиси. “Ўзбекистон Республикаси Миллий гвардияси ҳарбий хизматчиларида аҳлоқий-жанговар сифатларини шакллантиришда ҳарбий анъаналарни такомиллаштириш” мавзусида юридик фанлар бўйича фалсафа доктори (PhD) илмий даражасини олиш учун диссертация иши олиб бормоқда. Email: sh.t.shakirov@proacademy.uz

“Ўзбекистон Республикаси Мустақиллигига 20 йил” эсдалик нишони

“Ўзбекистон Республикаси Мустақиллигига 25 йил” эсдалик нишони

“Ўзбекистон Республикаси Қуролли Кучларига 25 йил” эсдалик нишони

“Ўзбекистон Конституциясига 25 йил” эсдалик нишони

“Ўзбекистон Республикаси Қуролли Кучларига 30 йил” эсдалик нишони

“Ўзбекистон Республикаси Мустақиллигига 30 йил” эсдалик нишони

2012 йилда “Содиқ хизматлари учун” медали

2016 йилда “Намунали хизматлари учун” кўкрак нишони билан тақдирланган.

Гаппаров Ҳафиз Заҳидович
		Кафедра профессори в.б., педагогика фанлари номзоди, полковник, 1-даражали адлия маслаҳатчиси. “Олий малакали рапира қиличбозларини тактик тайёрлаш воситалари ва усулларини индивидуаллаштириш” мавзусида юридик фанлар бўйича фалсафа доктори (PhD) илмий даражасини олиш учун диссертация иши олиб борган. Email: gapparov@sbtsul.uz

“Ўзбекистон Республикаси Мустақиллигига 15 йил” эсдалик нишони

2014 йилда “Дўстлик” ордени билан тақдирланган.

Ахмедов Хикматилла Рахманбердиевич
		Кафедра доценти, педагогика фанлари номзоди, подполковник, 2-даражали адлия маслаҳатчиси. “Ёш курашчиларни педогогик назорат қилиш асосида тренировка нагрузкаларини бошқариш услубияти” мавзусида юридик фанлар бўйича фалсафа доктори (PhD) илмий даражасини олиш учун диссертация иши олиб борган. Email: hikmatilla@sbtsul.uz

Дзюдо бўйича спорт устаси.