Ўзбекистон Республикаси Президентининг 2024 йил 21 июндаги ПҚ-229-сон қарори асосида Академия таркибида Рақамли криминалистика илмий-тадқиқот институти ташкил этилган.

Институт рақамли криминалистика, кибержиноятларни тергов қилиш усуллари, интернет тармоғидан маълумот йиғиш, махсус дастурий таъминотдан фойдаланиш соҳаларида таълим, ўқув-услубий, илмий-тадқиқот ва суд-экспертиза фаолиятини амалга оширади.

Институтнинг мақсади Академия талабалари ва тингловчиларини рақамли жиноятларни тергов қилиш, рақамли далилларни аниқлаш, топиш ва қайд этиш, суд компьютер-техник экспертизаларини ўтказиш, тергов ҳаракатлари ва тезкор-қидирув тадбирларини ўтказишда рақамли тадқиқотлар йўналишида ёрдам кўрсатиш, рақамли экспертиза соҳасида илмий-тадқиқот ва тажриба-конструкторлик ишларини (ИТТКИ) олиб бориш учун махсус билимларга эга бўлган ҳуқуқни муҳофаза қилиш органлари ходимлари сифатида мустақил касбий фаолият юритишга тайёрлашдир.

Институт таркибида мамлакатимизда ягона бўлган Dark Web ўқув лабораторияси ташкил этилган бўлиб, у ҳуқуқни муҳофаза қилиш органлари ходимларининг яширин интернет тармоқларида тегишли рақамли далилларни қидириш ва қайд этиш бўйича амалий кўникмаларини шакллантиришга имкон беради.

Ўқув жараёнида турли электрон қурилмаларда сақланган рақамли далилларни аниқлаш, белгилаш ва таҳлил қилиш учун рақамли криминалистиканинг замонавий усуллари, техника ва воситалари қўлланилади. Киберлаборатория базасида криптовалюталар ва Darknet тармоғидан фойдаланган ҳолда содир этилган жиноятларни тергов қилиш бўйича ўқув курслари ва тадқиқотлар ўтказилади.

Бундан ташқари, кибержиноятларни тергов қилиш масалалари бўйича хорижий мутахассисларнинг иштирокида тренинг ва семинарлар мунтазам равишда ўтказилади.

Кибержиноятларга қарши курашиш бўйича илмий-тадқиқот ва ўқув-услубий базани кенгайтиришга алоҳида эътибор қаратилади.

Рақамли криминалистика ИТИ таркибида Ихтисослаштирилган рақамли тадқиқот маркази, Рақамли тергов ва кибержиноятларга қарши курашишга кўмаклашиш маркази, Услубий ёрдам кўрсатиш бўлими ва Рақамли криминалистика лабораторияси фаолият олиб боради.

Гаджиев Хагани Мохуббат Ўғли
		Ихтисослаштирилган марказ бошлиғи, юридик фанлар бўйича фалсафа доктори (PhD). “Компьютер-техник экспертизасини услубий ва ташкилий-ҳуқуқий жиҳатларини такомиллаштириш” мавзусида диссертация ишини ҳимоя қилган. Email: x.gadjiyev@proacademy.uz

“Дактилоскопия”, “Трасология”, “Баллистика”, “Портрет”, “Компьютер-техник”, “Мобил қурилмалар экспертизаси” каби 6 та ихтисослик бўйича криминалистик экспертизаларини мустақил бажариш ҳуқуқига эга.

Х.М. Гаджиев томонидан 25 дан ортиқ илмий ва ўқув-услубий ишлар, жумладан, илмий мақолалар (улардан 4 таси хорижий журналларда), 1 та ўқув-услубий қўлланма, рақамли экспертиза бўйича экспертлар учун 3 та услубий тавсиялар нашр этилган. Шунингдек у "Ахборот технологиялари соҳасидаги жиноятлар (кибержиноятлар): турлари, квалификация ва тергов ҳаракатларини олиб бориш тактикаси" ўқув қўлланмасининг муаллифи.

"Ўзбекистон Республикасининг мустақиллигига 25 йил" ва "Ўзбекистон Республикаси ИИВ 30 йиллиги" эсдалик нишонлари билан тақдирланган.

Йулдошев Темурбек Анвар Ўғли
		Ихтисослаштирилган марказ катта прокурор-криминалисти. Email: t.a.yoldoshev@proacademy.uz

“Суд-фонография”, “Компьютер-техник” ва “Мобил қурилмалар экспертизаси” каби ихтисосликлар бўйича экспертизаларни мустақил бажариш ҳуқуқига эга.

“ISO17025” халқаро стандарти бўйича малака ошириш курсини, шунингдек Беларусь Республикаси суд экспертизалари давлат қўмитасининг кадрлар малакасини ошириш ва қайта тайёрлаш институтида компьютер қурилмалари ва технологиялари, радиоэлектрон қурилмалар экспертизаси йўналиши бўйича қайта тайёрлов курсини тамомлаган.

“Суд-компьютер-техникавий экспертизасини бажариш”, “Компьютер қурилмаларнинг техник хусусиятларини аниқлаш”, “Суд радиотехника экспертизаси тадқиқотларини ўтказиш”,

“Катта ҳажмдаги маълумотларни (Big data) тадқиқот ва таҳлил қилиш услубиёти” экспертлар учун услубий тавсиялар ва бошқа бир қатор услубиётлар ҳаммуаллифи.

Коновалов Илья Борисович
		Ихтисослаштирилган марказ прокурор-криминалисти. Ҳуқуқшунослик фанлари бўйича фалсафа доктори (PhD) илмий даражасини олиш учун «Катта хажмдаги маълумотлар бўйича эксперт тадқиқотининг услубий ва процессуал асосларини такомиллаштириш» мавзусида илмий иш олиб бормоқда. Email: konovalov@proacademy.uz

Кроност нореляцион маълумотлар базаларни бошқариш тизими ва Oracle маълумотлар базаларини бошқариш бўйича, шунингдек, телекоммуникация, бошқарув тизимлари ва дастурлаш соҳасида сертификатлаштирилган мутахассис.

Ахборотни тўплаш ва қайта ишлаш, шунингдек пул ёки бошқа мол-мулк билан кирувчи хабарларни бирламчи қайта ишлаш, тизимининг муаллифи, унинг асосида ҳозирда Бош прокуратура ҳузуридаги Иқтисодий жиноятларга қарши кураш департаменти ахборот тизими қурилган.

"Компьютер-техник экспертиза", "Мобил қурилмалар экспертизаси" ва "Маълумотлар базаси экспертизаси" ихтисосликлари бўйича экспертизаларни мустақил бажариш ҳуқуқига эга.

10 та илмий, ўқув ва услубий ишлар, жумладан, илмий мақолалар (улардан 1 таси хорижий нашрларда), рақамли далиллар билан ишлаш соҳасида тергов қилувчилар ва эксперлар учун 2 та услубий тавсиялар муаллифи. Ҳуқуқни муҳофаза қилиш фаолияти ва рақамли криминалистика соҳасидаги фанлар бўйича 2 та ўқув модулини ишлаб чиқишда иштирок этган.

"Ўзбекистон Конституциясига 25 йил" ва "Ўзбекистон прокуратурасига 30 йил" эсдалик нишонлари билан тақдирланган.

Арипов Азизбек Батирович
		Ихтисослаштирилган марказ прокурор-криминалисти. Email: a.b.aripov@proacademy.uz

«Ўзавиация» агентлиги томонидан рўйхатдан ўтказилган учувчисиз учиш аппаратларини бошқариш сертификатига эга.

«Дактилоскопия», «Портрет экспертизаси», «Компьютер-техник экспертиза», «Мобил қурилмалар экспертизаси» мутахассисликлар бўйича криминалистик экспертизаларни мустақил равишда ўтказиш ҳуқуқига эга.

Кибержиноятларга қарши курашишга ва рақамли терговга кўмаклашиш маркази

Марказ ҳуқуқни муҳофаза қилувчи органларга рақамли криминалистика бўйича тезкор-қидирув тадбирлари, терговга қадар текширув ва дастлабки тергов ҳаракатларида жиноятларнинг рақамли изларини аниқлаш, олиб қўйиш, сақлаш ва тадқиқ қилиш, шу жумладан крипто-активлар ёрдамида содир этилган жиноятлар бўйича амалий ёрдам кўрсатиш билан шуғулланади. Марказ томонидан шунингдек илмий ёндашувлар асосида терговга қадар текширув ҳужжатлари, маъмурий ҳуқуқбузарлик ишлари ва жиноят ишларини ўрганиш йўли билан асосли тавсиялар ишлаб чиқилади ҳамда улар кибержиноятларнинг сабаб ва келиб чиқиш шароитларини аниқлаш, шунингдек кибержиноятларни фош қилиш ва тергов қилиш амалиётидаги мавжуд муаммоларни ҳал қилиш мақсадида ҳуқуқни қўллаш амалиётига жорий қилинади.

Кудратов Бунёд Бахтиёрович
		Марказ бошлиғи. Юридик фанлар бўйича фалсафа доктори (PhD) илмий даражасини олиш учун “Ахборот тизими (технологиялари)дан фойдаланиб содир этилган фирибгарлик жиноятларини тергов қилишни такомиллаштириш” мавзусида диссертация тадқиқоти олиб бормоқда.   E-mail: kudratov.b@dfc.gov.uz

20 дан ортиқ илмий ва ўқув-услубий ишлар муаллифи, жумладан 2 та ўқув қўлланма ва 1 та услубий қўлланма (хаммуаллиф сифатида), 20 га яқин илмий мақола ва Scopus базасида индексланган 1 та илмий мақола.

Мухсинов Давронбек Лукмонович
		Марказ прокурори. Юридик фанлар бўйича фалсафа доктори (PhD) илмий даражасини олиш учун “Крипто-активлар билан боғлиқ жиноятлар бўйича тергов ҳаракатларини олиб боришни такомиллаштириш” мавзусида диссертация тадқиқоти олиб бормоқда.   E-mail: d.mukhsinov@dfc.gov.uz.

Д.Л.Муҳсинов томонидан 10 дан ортиқ илмий-услубий ишлар, жумладан 1 та ўқув қўлланма ва 1 та услубий қўлланма (ҳаммуаллиф сифатида), 7 та илмий мақола ва Scopus базасида индексланган 1 та илмий мақола.

Тургунов Икбол Илгор Ўгли
		Марказ прокурори.   E-mail: turgunov@dfc.gov.uz

1 та услубий қўлланма (ҳаммуаллиф сифатида), 4 та илмий мақола ва Scopus базасида индексланган 1 та илмий мақола муаллифи.

Услубий ёрдам кўрсатиш бўлими

Услубий ёрдам кўрсатиш бўлими рақамли криминалистика соҳасини ривожлантириш бўйича меъёрий ҳужжатлар лойиҳаларини ишлаб чиқиш, рақамли криминалистик тадқиқотлар ва экспертизаларни ўтказиш бўйича услубий ва бошқа қўлланмаларни яратиш билан шуғулланади, ушбу услубий тавсияларни тарқатиш ва уларга риоя қилиш устидан назорат олиб боради, суд-экспертиза методикасига мувофиқ илмий асосланган хулосаларни шакллантиради, рақамли криминалистиканинг янги йўналишлари бўйича суд-экспертиза методикаларини ишлаб чиқади, уларнинг Суд-экспертиза методикаларининг Ягона реестрига киритилиши ва ҳокимият органларига тақдим этилиши устидан назорат олиб боради, илмий-тадқиқот, ўқув ишларини амалга оширади, илмий-вакиллик тадбирларини ўтказишни муваффақлаштиради.

Бўлим рақамли криминалистика соҳасида ўқув семинарлари, тренинглар ва мастер-класларни ташкил этади, шунингдек “Рақамли криминалистика” халқаро илмий-амалий журналини чиқариш билан шуғулланади.

Югай Людмила Юрьевна
		Бўлим бошлиғи, юридик фанлари доктори (DSc), доцент.   Юридик фанлари доктори (DSc) илмий даражасини олиш учун "Жиноятларни очиш ва тергов қилишда шахснинг биометрик идентификациясидан фойдаланиш бўйича инновацион ёндашувлар” мавзусида диссертация ишини ҳимоя қилган.   E-mail: l.yugay@dfc.gov.uz

«Дактилоскопик экспертиза», «Трасологик экспертиза», «Баллистик экспертиза», «Портрет экспертизаси», «Ҳужжатларнинг техник-криминалистик экспертизаси», «Совуқ қурол экспертизаси», «Қўлёзма экспертизаси», «Компьютер-техник экспертиза» йўналишлари бўйича криминалистик экспертизаларни мустақил равишда ўтказиш ҳуқуқига эга.

150 дан ортиқ илмий ва ўқув-услубий ишлар нашр этилган, жумладан 2 та дарслик (ҳамавторликда), 12 та ўқув қўлланмаси, 1 та ўқув-амалий қўлланма, 2 та монография, Scopus базасида индексланган 4 та илмий мақола муаллифи.

«Ўзбекистон Республикасининг мустақиллигига 20 йил» ва «Ўзбекистон Конституциясига 30 йил» эслатма нишонлари билан мукофотланган.

Кудратов Санжар Марупович
		Бўлим катта прокурори.   Ҳуқуқшунослик фанлари бўйича фалсафа доктори (PhD) илмий даражасини олиш учун «Жиноят процессида нодавлат суд экспертиза ташкилотлари фаолиятининг назарий ва амалий жиҳатлари» мавзусида диссертация ишини олиб бормоқда.   E-mail: kudratov.s@dfc.gov.uz

Хатшунослик экспертизасини мустақил равишда ўтказиш ҳуқуқига рухсатга эга.

20 дан ортиқ илмий-услубий ишлар нашр этилган, жумладан 7 та амалий қўлланма, 2 та услубий қўлланма ва 2 та услубий тавсия, илмий мақолалар муаллифи.

Рақамли кримиалистика лабораторияси

Лаборатория фаолияти рақамли далилларни, жумладан Darknet тармоғидан топиш, мустаҳкамлаш ва идентификация қилиш, турли электрон қурилмаларда сақланаётган маълумотларни таҳлил қилишга қаратилган. IoT қурилмалари, ижтимоий тармоқлар ва мессенжерлардан олинган маълумотлар таҳлил қилинади.Лаборатория илмий тадқиқотлар ва тажриба-конструкторлик ишланмаларини амалга оширади. Замонавий фан ва техниканинг ютуқлари, рақамли криминалистика технологиялари ва янги дастурий таъминотлар жорий этилади.Янги рақамли таҳдидлар ўрганилиб, уларни аниқлаш ва таҳлил қилиш усуллари ишлаб чиқилади. Лабораторияда кибержиноятларни тергов қилиш, рақамли изларни аниқлаш ва таҳлил қилиш бўйича тренинглар ўтказилади. 

Шомахсудов Шоакром Шомуратович
		Лаборатория бошлиғи.   Техник фанлар бўйича фалсафа доктори (PhD) илмий даражасини олиш учун диссертация ишини олиб бормоқда.   E-mail: sh.sh.shomaxsudov@proacademy.uz

“Дактилоскопия”, “Портрет”, “Компьютер-техникавий”, “Мобил қурилмалар экспертизаси” каби ихтисосликлар бўйича криминалистик экспертизаларини мустақил бажариш ҳуқуқига эга.

15 дан ортиқ илмий-услубий ишлар, жумладан 4 та амалий қўлланма, 2 та услубий қўлланма ва 2 та услубий тавсия муаллифи.

Галлямов Марсель Габтулхаевич
		Лаборатория катта прокурор-криминалисти. Техник фанлар бўйича фалсафа доктори (PhD) илмий даражасини олиш учун диссертация иши олиб бормоқда. E-mail: m.g.gallyamov@proacademy.uz

Ўзавиация агентлигида рўйхатдан ўтган учувчисиз учиш аппаратларини бошқариш сертификатига эга.

“Дактилоскопия”, “Совуқ курол”, “Ҳужжатларни техник кўрикдан ўтказиш” “Баллистика”, “Портрет”,  “Компьютер-техник”, “Мобил қурилмалар экспертизаси” каби 6 та ихтисослик бўйича криминалистик экспертизаларини мустақил бажариш ҳуқуқига эга.

“Ўзбекистон Республикаси Мустақиллигига 30 йил” эсдалик нишони билан тақдирланган.

Абдиахатов Жаҳонгир Равшан ўғли
		Лаборатория прокурор-криминалисти.   E-mail: j.r.abdiaxatov@proacademy.uz

Ўзавиация агентлигида рўйхатдан ўтган учувчисиз учиш аппаратларини бошқариш сертификатига эга.

“Компьютер-техник”, “Мобил қурилмалар экспертизаси” каби ихтисослик бўйича криминалистик экспертизаларини мустақил бажариш ҳуқуқига эга.