O‘zbekiston Respublikasi Prezidentining 2024-yil 21-iyundagi PQ-229-son qarori asosida Akademiya tarkibida Raqamli kriminalistika ilmiy-tadqiqot instituti tashkil etilgan.

Institut raqamli kriminalistika, kiberjinoyatlarni tergov qilish usullari, internet tarmog‘idan ma’lumot yig‘ish, maxsus dasturiy ta’minotdan foydalanish sohalarida ta’lim, o‘quv-uslubiy, ilmiy-tadqiqot va sud-ekspertiza faoliyatini amalga oshiradi.

Institutning maqsadi Akademiya talabalari va tinglovchilarini raqamli jinoyatlarni tergov qilish, raqamli dalillarni aniqlash, topish va qayd etish, sud kompyuter-texnik ekspertizalarini o‘tkazish, tergov harakatlari va tezkor-qidiruv tadbirlarini o‘tkazishda raqamli tadqiqotlar yo‘nalishida yordam ko‘rsatish, raqamli ekspertiza sohasida ilmiy-tadqiqot va tajriba-konstruktorlik ishlarini (ITTKI) olib borish uchun maxsus bilimlarga ega bo‘lgan huquqni muhofaza qilish organlari xodimlari sifatida mustaqil kasbiy faoliyat yuritishga tayyorlashdir.

Institut tarkibida mamlakatimizda yagona bo‘lgan Dark Web o‘quv laboratoriyasi tashkil etilgan bo‘lib, u huquqni muhofaza qilish organlari xodimlarining yashirin internet tarmoqlarida tegishli raqamli dalillarni qidirish va qayd etish bo‘yicha amaliy ko‘nikmalarini shakllantirishga imkon beradi.

O‘quv jarayonida turli elektron qurilmalarda saqlangan raqamli dalillarni aniqlash, belgilash va tahlil qilish uchun raqamli kriminalistikaning zamonaviy usullari, texnika va vositalari qo‘llaniladi. Kiberlaboratoriya bazasida kriptovalyutalar va Darknet tarmog‘idan foydalangan holda sodir etilgan jinoyatlarni tergov qilish bo‘yicha o‘quv kurslari va tadqiqotlar o‘tkaziladi.

Bundan tashqari, kiberjinoyatlarni tergov qilish masalalari bo‘yicha xorijiy mutaxassislarning ishtirokida trening va seminarlar muntazam ravishda o‘tkaziladi.

Kiberjinoyatlarga qarshi kurashish bo‘yicha ilmiy-tadqiqot va o‘quv-uslubiy bazani kengaytirishga alohida e’tibor qaratiladi.

Raqamli kriminalistika ITI tarkibida Ixtisoslashtirilgan raqamli tadqiqot markazi, Raqamli tergov va kiberjinoyatlarga qarshi kurashishga ko‘maklashish markazi, Uslubiy yordam ko‘rsatish bo‘limi va Raqamli kriminalistika laboratoriyasi faoliyat olib boradi.

Gadjiyev Xagani Moxubbat o`gli
		Ixtisoslashtirilgan markaz boshlig‘i, yuridik fanlar bo‘yicha falsafa doktori (PhD). “Kompyuter-texnik ekspertizasini uslubiy va tashkiliy-huquqiy jihatlarini takomillashtirish” mavzusida dissertatsiya ishini himoya qilgan. Email: x.gadjiyev@proacademy.uz

“Daktiloskopiya”, “Trasologiya”, “Ballistika”, “Portret”, “Kompyuter-texnik”, “Mobil qurilmalar ekspertizasi” kabi 6 ta ixtisoslik bo‘yicha kriminalistik ekspertizalarini mustaqil bajarish huquqiga ega.

25 dan ortiq ilmiy va o‘quv-uslubiy ishlar, jumladan, ilmiy maqolalar (ulardan 4 tasi xorijiy jurnallarda), 1 ta o‘quv-uslubiy qo‘llanma, raqamli ekspertiza bo‘yicha ekspertlar uchun 3 ta uslubiy tavsiyalar nashr etilgan. Shuningdek u "Axborot texnologiyalari sohasidagi jinoyatlar (kiberjinoyatlar): turlari, kvalifikatsiya va tergov harakatlarini olib borish taktikasi" o‘quv qo‘llanmasining muallifi.

"O‘zbekiston Respublikasining mustaqilligiga 25-yil" va "O‘zbekiston Respublikasi IIV 30-yilligi" esdalik nishonlari bilan taqdirlangan.

Yuldoshev Temurbek Anvar O‘g‘li
		Ixtisoslashtirilgan markaz katta prokuror-kriminalisti. Email: t.a.yoldoshev@proacademy.uz

“Sud-fonografiya”, “Kompyuter-texnik” va “Mobil qurilmalar ekspertizasi” kabi ixtisosliklar bo‘yicha ekspertizalarni mustaqil bajarish huquqiga ega.

“ISO17025” xalqaro standarti bo‘yicha malaka oshirish kursini, shuningdek Belarus Respublikasi sud ekspertizalari davlat qo‘mitasining kadrlar malakasini oshirish va qayta tayyorlash institutida kompyuter qurilmalari va texnologiyalari, radioelektron qurilmalar ekspertizasi yo‘nalishi bo‘yicha qayta tayyorlov kursini tamomlagan.

“Sud-kompyuter-texnikaviy ekspertizasini bajarish”, “Kompyuter qurilmalarning texnik xususiyatlarini aniqlash”, “Sud radiotexnika ekspertizasi tadqiqotlarini o‘tkazish”, “Katta hajmdagi ma’lumotlarni (Big data) tadqiqot va tahlil qilish uslubiyoti” ekspertlar uchun uslubiy tavsiyalar va boshqa bir qator uslubiyotlar hammuallifi.

Konovalov Ilya Borisovich
		Ixtisoslashtirilgan markaz prokuror-kriminalisti. Huquqshunoslik fanlari bo‘yicha falsafa doktori (PhD) ilmiy darajasini olish uchun «Katta hajmdagi ma’lumotlar bo‘yicha ekspert tadqiqotining uslubiy va protsessual asoslarini takomillashtirish» mavzusida ilmiy ish olib bormoqda. Email: konovalov@proacademy.uz

Kronost norelyatsion ma’lumotlar bazalarni boshqarish tizimi va Oracle ma’lumotlar bazalarini boshqarish bo‘yicha, shuningdek, telekommunikatsiya, boshqaruv tizimlari va dasturlash sohasida sertifikatlashtirilgan mutaxassis.

Axborotni to‘plash va qayta ishlash, shuningdek pul yoki boshqa mol-mulk bilan kiruvchi xabarlarni birlamchi qayta ishlash, tizimining muallifi, uning asosida hozirda Bosh prokuratura huzuridagi Iqtisodiy jinoyatlarga qarshi kurash departamenti axborot tizimi qurilgan.

"Kompyuter-texnik ekspertiza", "Mobil qurilmalar ekspertizasi" va "Ma’lumotlar bazasi ekspertizasi" ixtisosliklari bo‘yicha ekspertizalarni mustaqil bajarish huquqiga ega.

10 ta ilmiy, o‘quv va uslubiy ishlar, jumladan, ilmiy maqolalar (ulardan 1 tasi xorijiy nashrlarda), raqamli dalillar bilan ishlash sohasida tergov qiluvchilar va eksperlar uchun 2 ta uslubiy tavsiyalar muallifi.

Huquqni muhofaza qilish faoliyati va raqamli kriminalistika sohasidagi fanlar bo‘yicha 2 ta o‘quv modulini ishlab chiqishda ishtirok etgan.

"O‘zbekiston Konstitutsiyasiga 25-yil" va "O‘zbekiston prokuraturasiga 30-yil" esdalik nishonlari bilan taqdirlangan.

Aripov Azizbek Batirovich
		Ixtisoslashtirilgan markaz prokuror-kriminalisti. Email: a.b.aripov@proacademy.uz

«O‘zaviatsiya» agentligi tomonidan ro‘yxatdan o‘tkazilgan uchuvchisiz uchish apparatlarini boshqarish sertifikatiga ega.

«Daktiloskopiya», «Portret ekspertizasi», «Kompyuter-texnik ekspertiza», «Mobil qurilmalar ekspertizasi» mutaxassisliklar bo‘yicha kriminalistik ekspertizalarni mustaqil ravishda o‘tkazish huquqiga ega.

Kiberjinoyatlarga qarshi kurashishga va raqamli tergovga ko‘maklashish markazi

Markaz huquqni muhofaza qiluvchi organlarga raqamli kriminalistika bo‘yicha tezkor-qidiruv tadbirlari, tergovga qadar tekshiruv va dastlabki tergov harakatlarida jinoyatlarning raqamli izlarini aniqlash, olib qo‘yish, saqlash va tadqiq qilish, shu jumladan kripto-aktivlar yordamida sodir etilgan jinoyatlar bo‘yicha amaliy yordam ko‘rsatish bilan shug‘ullanadi. Markaz tomonidan shuningdek ilmiy yondashuvlar asosida tergovga qadar tekshiruv hujjatlari, ma’muriy huquqbuzarlik ishlari va jinoyat ishlarini o‘rganish yo‘li bilan asosli tavsiyalar ishlab chiqiladi hamda ular kiberjinoyatlarning sabab va kelib chiqish sharoitlarini aniqlash, shuningdek kiberjinoyatlarni fosh qilish va tergov qilish amaliyotidagi mavjud muammolarni hal qilish maqsadida huquqni qo‘llash amaliyotiga joriy qilinadi.

Kudratov Bunyod Baxtiyorovich
		Markaz boshlig‘i. Yuridik fanlar bo‘yicha falsafa doktori (PhD) ilmiy darajasini olish uchun “Axborot tizimi (texnologiyalari)dan foydalanib sodir etilgan firibgarlik jinoyatlarini tergov qilishni takomillashtirish” mavzusida dissertatsiya tadqiqoti olib bormoqda.

20 dan ortiq ilmiy va o‘quv-uslubiy ishlar muallifi, jumladan 2 ta o‘quv qo‘llanma va 1 ta uslubiy qo‘llanma (xammuallif sifatida), 20 ga yaqin ilmiy maqola va Scopus bazasida indekslangan 1 ta ilmiy maqola.

Muxsinov Davronbek Lukmonovich
		Markaz prokurori. Yuridik fanlar bo‘yicha falsafa doktori (PhD) ilmiy darajasini olish uchun “Kripto-aktivlar bilan bog‘liq jinoyatlar bo‘yicha tergov harakatlarini olib borishni takomillashtirish” mavzusida dissertatsiya tadqiqoti olib bormoqda. E-mail: d.mukhsinov@dfc.gov.uz.

10 dan ortiq ilmiy-uslubiy ishlar, jumladan 1 ta o‘quv qo‘llanma va 1 ta uslubiy qo‘llanma (hammuallif sifatida), 7 ta ilmiy maqola va Scopus bazasida indekslangan 1 ta ilmiy maqola.

Turgunov Ikbol Ilgor O‘gli
		Markaz prokurori. E-mail: turgunov@dfc.gov.uz

1 ta uslubiy qo‘llanma (hammuallif sifatida), 4 ta ilmiy maqola va Scopus bazasida indekslangan 1 ta ilmiy maqola muallifi.

Uslubiy yordam ko‘rsatish bo‘limi

Uslubiy yordam ko‘rsatish bo‘limi raqamli kriminalistika sohasini rivojlantirish bo‘yicha me’yoriy hujjatlar loyihalarini ishlab chiqish, raqamli kriminalistik tadqiqotlar va ekspertizalarni o‘tkazish bo‘yicha uslubiy va boshqa qo‘llanmalarni yaratish bilan shug‘ullanadi, ushbu uslubiy tavsiyalarni tarqatish va ularga rioya qilish ustidan nazorat olib boradi, sud-ekspertiza metodikasiga muvofiq ilmiy asoslangan xulosalarni shakllantiradi, raqamli kriminalistikaning yangi yo‘nalishlari bo‘yicha sud-ekspertiza metodikalarini ishlab chiqadi, ularning Sud-ekspertiza metodikalarining Yagona reyestriga kiritilishi va hokimiyat organlariga taqdim etilishi ustidan nazorat olib boradi, ilmiy-tadqiqot, o‘quv ishlarini amalga oshiradi, ilmiy-vakillik tadbirlarini o‘tkazishni muvaffaqlashtiradi.

Bo‘lim raqamli kriminalistika sohasida o‘quv seminarlari, treninglar va master-klaslarni tashkil etadi, shuningdek “Raqamli kriminalistika” xalqaro ilmiy-amaliy jurnalini chiqarish bilan shug‘ullanadi.

Yugay Lyudmila Yurevna
		Bo‘lim boshlig‘i, yuridik fanlari doktori (DSc), dotsent. Yuridik fanlari doktori (DSc) ilmiy darajasini olish uchun "Jinoyatlarni ochish va tergov qilishda shaxsning biometrik identifikatsiyasidan foydalanish bo‘yicha innovatsion yondashuvlar” mavzusida dissertatsiya ishini himoya qilgan. E-mail: l.yugay@dfc.gov.uz

«Daktiloskopik ekspertiza», «Trasologik ekspertiza», «Ballistik ekspertiza», «Portret ekspertizasi», «Hujjatlarning texnik-kriminalistik ekspertizasi», «Sovuq qurol ekspertizasi», «Qo‘lyozma ekspertizasi», «Kompyuter-texnik ekspertiza» yo‘nalishlari bo‘yicha kriminalistik ekspertizalarni mustaqil ravishda o‘tkazish huquqiga ega.

150 dan ortiq ilmiy va o‘quv-uslubiy ishlar nashr etilgan, jumladan 2 ta darslik (hamavtorlikda), 12 ta o‘quv qo‘llanmasi, 1 ta o‘quv-amaliy qo‘llanma, 2 ta monografiya, Scopus bazasida indekslangan 4 ta ilmiy maqola muallifi.

«O‘zbekiston Respublikasining mustaqilligiga 20 yil» va «O‘zbekiston Konstitutsiyasiga 30-yil» eslatma nishonlari bilan mukofotlangan.

Kudratov Sanjar Marupovich
		Bo‘lim katta prokurori. Huquqshunoslik fanlari bo‘yicha falsafa doktori (PhD) ilmiy darajasini olish uchun «Jinoyat protsessida nodavlat sud ekspertiza tashkilotlari faoliyatining nazariy va amaliy jihatlari» mavzusida dissertatsiya ishini olib bormoqda. E-mail: kudratov.s@dfc.gov.uz

Xatshunoslik ekspertizasini mustaqil ravishda o‘tkazish huquqiga ruxsatga ega.

20 dan ortiq ilmiy-uslubiy ishlar nashr etilgan, jumladan 7 ta amaliy qo‘llanma, 2 ta uslubiy qo‘llanma va 2 ta uslubiy tavsiya, ilmiy maqolalar muallifi.

Raqamli krimialistika laboratoriyasi

Laboratoriya faoliyati raqamli dalillarni, jumladan Darknet tarmog‘idan topish, mustahkamlash va identifikatsiya qilish, turli elektron qurilmalarda saqlanayotgan ma’lumotlarni tahlil qilishga qaratilgan. IoT qurilmalari, ijtimoiy tarmoqlar va messenjerlardan olingan ma’lumotlar tahlil qilinadi.Laboratoriya ilmiy tadqiqotlar va tajriba-konstruktorlik ishlanmalarini amalga oshiradi. Zamonaviy fan va texnikaning yutuqlari, raqamli kriminalistika texnologiyalari va yangi dasturiy ta’minotlar joriy etiladi.Yangi raqamli tahdidlar o‘rganilib, ularni aniqlash va tahlil qilish usullari ishlab chiqiladi. Laboratoriyada kiberjinoyatlarni tergov qilish, raqamli izlarni aniqlash va tahlil qilish bo‘yicha treninglar o‘tkaziladi.

Shomaxsudov Shoakrom Shomuratovich
		Laboratoriya boshlig‘i. Texnik fanlar bo‘yicha falsafa doktori (PhD) ilmiy darajasini olish uchun dissertatsiya ishini olib bormoqda. E-mail: sh.sh.shomaxsudov@proacademy.uz

“Daktiloskopiya”, “Portret”, “Kompyuter-texnikaviy”, “Mobil qurilmalar ekspertizasi” kabi ixtisosliklar bo‘yicha kriminalistik ekspertizalarini mustaqil bajarish huquqiga ega.

15 dan ortiq ilmiy-uslubiy ishlar, jumladan 4 ta amaliy qo‘llanma, 2 ta uslubiy qo‘llanma va 2 ta uslubiy tavsiya muallifi.

Gallyamov Marsel Gabtulxayevich
		Laboratoriya katta-prokuror kriminalisti. Texnik fanlar bo‘yicha falsafa doktori (PhD) ilmiy darajasini olish uchun dissertatsiya ishi olib bormoqda. E-mail: m.g.gallyamov@proacademy.uz

O‘zaviatsiya agentligida ro‘yxatdan o‘tgan uchuvchisiz uchish apparatlarini boshqarish sertifikatiga ega.

“Daktiloskopiya”, “Sovuq kurol”, “Hujjatlarni texnik ko‘rikdan o‘tkazish” “Ballistika”, “Portret”, “Kompyuter-texnik”, “Mobil qurilmalar ekspertizasi” kabi 6 ta ixtisoslik bo‘yicha kriminalistik ekspertizalarini mustaqil bajarish huquqiga ega.

“O‘zbekiston Respublikasi Mustaqilligiga 30-yil” esdalik nishoni bilan taqdirlangan.

Abdiaxatov Jahongir Ravshan o‘g‘li
		Laboratoriya prokuror-kriminalisti. E-mail: j.r.abdiaxatov@proacademy.uz

O‘zaviatsiya agentligida ro‘yxatdan o‘tgan uchuvchisiz uchish apparatlarini boshqarish sertifikatiga ega.

“Kompyuter-texnik”, “Mobil qurilmalar ekspertizasi” kabi ixtisoslik bo‘yicha kriminalistik ekspertizalarini mustaqil bajarish huquqiga ega.