Коррупцияга қарши курашиш илмий-таълим маркази Ўзбекистон Республикаси Бош прокуратураси Академиясининг таркибий тармоғи ҳисобланади.
Марказ ўз фаолиятини Ўзбекистон Республикасининг “Прокуратура тўғрисида”ги Қонуни ва бошқа қонун ҳужжатлари, Ўзбекистон Республикаси прокуратураси органлари ва муассасаларида хизматни ўташ тўғрисидаги Низом, Бош прокуратуранинг ҳайъати қарорлари, Бош прокурор ва Академия бошлиғи буйруқлари, мазкур Низом талаблари ҳамда Коррупцияга қарши курашиш бўйича республика идоралараро комиссиясининг қарорлари асосида амалга оширади. Марказ Ўзбекистон Президентининг 2018 й. 8 майдаги “Прокуратура органлари кадрларини тайёрлаш, қайта тайёрлаш ва уларнинг малакасини ошириш тизимини тубдан такомиллаштириш чора-тадбирлари тўғрисида” ги ПФ-5438-сон ва 2018 й. 31 октябрдаги “Жиноий-ҳуқуқий статистика тизимини тубдан такомиллаштириш ва жиноятларни тизимли таҳлил қилиш самарадорлигини ошириш чора-тадбирлари тўғрисида”ги ПФ-5566-сон Фармонлари асосида ташкил этилган.
Марказнинг асосий вазифалари:
коррупцияга оид ҳуқуқбузарликлар содир этилишининг сабаб ва шарт-шароитларини ўрганиш ҳамда таҳлил қилиш, уларнинг олдини олиш, шу жумладан, коррупцион ҳуқуқбузарликлар ва алоҳида турдаги жиноятларнинг олдини олиш ҳолатини ўрганиш;
коррупция соҳасидаги жиноятчилик аҳволи ўзгаришларини криминологик прогноз қилиш, шунингдек, коррупцияга оид ҳуқуқбузарликлар профилактикаси фаолиятини услубий ва консультатив таъминлаш;
коррупцияга оид ҳуқуқбузарликлар, шу жумладан жиноятлар содир этилишига сабаб бўлаётган тизимли камчилик ва муаммоларни ўрганиш;
коррупциявий жиноятлар содир этилишини олдини олиш ва бартараф этиш бўйича илмий асосланган таклиф ва тавсияларни ишлаб чиқиш ҳамда уларнинг ижро этилишини мониторинг қилиб бориш;
коррупцияга оид жиноят турлари, уларни содир этган мансабдор ва бошқа шахслар ҳамда коррупцияга оид ҳуқуқбузарликлар натижасидан жабрланганларнинг шахслар ҳимояси бўйича илмий-амалий изланишлар олиб бориш;
ҳуқуқни муҳофаза қилувчи ва бошқа тегишли органлар ходимлари учун коррупциянинг олдини олиш ва унга қарши курашишга оид ўқув машғулотлари, семинар, давра суҳбати, тренинг ва бошқа тадбирларни ташкил этиш;
аҳоли билан қайта алоқа механизмини йўлга қўйиш мақсадида коррупцияга оид ҳуқуқбузарликларга қарши кураш ва уларнинг профилактикасини ташкил этиш борасидаги фаолият юзасидан аҳолининг фикр ва мулоҳазаларини ўрганиб боришни ташкил қилиш;
коррупцияга қарши курашиш бўйича республика идоралараро комиссиянинг ишчи органи фаолиятида фаол иштирок этиш ва унга зарур бўлган илмий ва методологик кўмак кўрсатиш;
коррупцияга оид ҳуқуқбузарликларни содир этиш имкониятини яратадиган, коррупцияга сабаб бўладиган омилларни аниқлаш мақсадида Академия ташаббуси билан ишлаб чиқилаётган, Бош прокуратура ёки бошқа органлардан келиб тушган норматив-ҳуқуқий ҳужжатларнинг ва улар лойиҳаларининг коррупцияга қарши экспертизасини ўтказиш;
қонунчиликни тарғиб қилиш, аҳолининг ҳуқуқий онги ва ҳуқуқий маданиятини юксалтириш, жамиятда коррупцияга нисбатан муросасиз муносабатни шакллантириш, идоравий ва норматив-ҳуқуқий ҳужжатлар лойиҳаларини ишлаб чиқишда иштирок этиш;
ходимлар малакасини ошириш юзасидан тадбирлар ўтказиш, ижобий иш тажрибаларини ўрганиш ва оммалаштириш.