Ҳозирги вақтда Академия фаолиятига вақтинчалик асосда талабаларни футбол спорт тури бўйича тайёрловчи  мутахассисни жалб қилиш зарурати мавжуд. Мутахассис томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик ҳуқуқий шартнома имзоланади.

Мутахассиснинг вазифалари: 

Академия талабалари учун футбол бўйича режали машғулотларни жадвалда белгиланган тарзда ўтказиш;

Машғулот дастурларини ишлаб чиқиш ва амалга ошириш;

Талабаларни жисмоний, техник, тактик ва психологик тайёргарлигини таъминлаш;

Талабаларнинг футбол спорт тури билан шуғулланиш маҳоратини босқичма-босқич ривожлантириб бориш;

Талабаларда индивидуал ва жамоавий ўйин кўникмаларини шакллантириш;

Истеъдодли талабаларни аниқлаш ва қўллаб-қувватлаш;

Академия жамоасини футбол бўйича спорт мусобақаларга тайёрлаш;

Талабалар ўртасида спорт этикаси, жамоавий ўйин ва спорт интизомини шакллантириш;

Ўқув машғулотлари вақтида хавфсизлик қоидаларига риоя этилишини таъминлаш;

Ўқув машғулотлари давомида талабалар жароҳатланишининг олдини олиш ва тиббий назоратни таъминлаш;

Талабаларнинг жисмоний ҳолатини доимий кузатиб бориш;

Машғулотлар ва мусобақалар бўйича бажарилган ишлар юзасидан ҳисоботлар тайёрлаб, Академия раҳбариятига белгиланган тартибда ахборот тақдим этиб бориш.

Номзодга қўйиладиган талаблар: 

25 ёшдан 50 ёшгача бўлиши;

Олий ёки ўрта махсус маълумот ва камида 3 йиллик амалий тажриба (футбол ихтисослиги устувор ҳисобланади);

Футбол спорт тури бўйича мураббийлик сертификати ҳамда малака тоифаси мавжуд бўлиши лозим.

Бажариладиган иш муддати: 2 (икки) ой.

Тўлов миқдори: тарафлар келишуви билан белгиланади ва талабгорга бажарилган иш натижасига кўра тўланади.

Талаблар: замонавий машғулот методикалари ва инновацион усулларни қўллай олиш, жамоа билан ҳамнафас ишлаш, талабалар билан ишлаш қобилияти, масъулиятли ва интизомли бўлиш.

Иш вақти: кунига 2 соат, ҳафтасига 3 кунлик иш ватини ташкил этади.

Талабгор Академия Ҳарбий ва жисмоний тайёргарлик кафедрасига фуқаролик паспорти ёки ID картаси билан шахсан мурожаат қилиб, тегишли ҳужжатлар (шахсини тасдиқловчи ҳужжат, объективка, олий таълим олганлик ҳақида диплом ва унинг иловаси, меҳнат дафтарчаси нусхаси, СТИР маълумотномасини тақдим этиши лозим. Тақдим этилган ҳужжатлар ўрганиб чиқилганидан сўнг заруратга кўра талабгор билан комиссия таркибида суҳбат ўтказилади.

Ҳужжатларни топшириш муддати 2026 йил 4 октябрь кунига қадар (шу куни ҳам).

Телефон: + 998 90 168 48 32