МАРКАЗНИНГ МАҚСАДИ

Марказнинг мақсади – коррупцияга қарши курашиш йўналишида ўқув, ўқув-услубий ва илмий-тадқиқот фаолиятини амалга ошириш.

МАРКАЗНИНГ ВАЗИФАЛАРИ

Марказнинг асосий вазифалари қуйидагилардан иборат:

прокуратура, ҳуқуқни муҳофаза қилувчи, давлат органлари ва бошқа ташкилотлар ходимларининг коррупцияга қарши курашиш соҳасидаги малакасини ошириш, бу борадаги касбий билим ҳамда кўникмаларини чуқурлаштириш;

давлат органлари ва бошқа ташкилотлар, хўжалик бошқарув органлари хизматчилари учун коррупциянинг олдини олиш ва унга қарши курашишга оид ўқув машғулотлари, семинар, давра суҳбати, тренинг ва бошқа тадбирларни ташкил этиш;

коррупциянинг олдини олиш ва бартараф этишга қаратилган  фундаментал, илмий, амалий ва инновацион тадқиқотларни ташкил этиш ва ўтказиш;

коррупцияга қарши курашиш соҳасидаги қонунчиликни такомиллаштириш ва бу соҳадаги ягона ҳуқуқни қўллаш амалиётини шакллантириш бўйича илмий асосланган хулоса ва тавсиялар ишлаб чиқиш;

БМТнинг Коррупцияга қарши конвенцияси ва Ўзбекистон Республикасининг коррупцияга қарши курашиш соҳасидаги бошқа халқаро шартномаларида белгиланган қоидаларини миллий қонунчиликка мувофиқлигини таъминлашга қаратилган тадбирларни амалга ошириш;

Иқтисодий ҳамкорлик ва тараққиёт ташкилотининг Шарқий Европа ва Марказий Осиё мамлакатлари учун Коррупцияга қарши курашиш бўйича тармоғининг Истанбул ҳаракатлар режаси доирасидаги тавсияларнинг амалга оширилишида кўмаклашиш;

коррупцияга қарши курашиш соҳасидаги давлат дастурлари ва бошқа дастурларнинг ишлаб чиқилишида иштирок этиш ва амалга оширилишида кўмаклашиш;

Ўзбекистон Республикасининг коррупцияга қарши курашиш соҳасидаги халқаро рейтинг ва индекслардаги ўрнини яхшилаш юзасидан юклатилган вазифаларни амалга ошириш, жумладан, бу борада илмий-амалий таҳлил қилиш ва изланишлар олиб бориш ва бошқалар.

Турсунбеков Худайберди
		Марказ бошлиғи, адлия маслаҳатчиси. Email: x.tursunbekov@proacademy.uz

Иш фаолияти давомида туман прокуратураси иш ўрганувчиси, туман прокуратураси терговчиси, вилоят прокуратураси Иқтисодий жиноятчилик ва коррупцияга қарши курашиш бўлими алоҳида муҳим ишлар бўйича катта терговчиси, Бош прокуратура Уюшган жиноятчилик ва коррупцияга қарши курашиш бошқармаси катта прокурори лавозимларида хизмат қилган.

“Ўзбекистон прокуратурасига 30 йил”  эсдалик нишони билан мукофотланган.

Қуйидаги лойиҳалар ва ташаббусларда фаол иштирок этади:

Ғарбий ва Марказий Осиё давлатларининг активларни қайтариш бўйича норасмий тармоғи (ARIN-WCA – Asset Recovery Inter-Agency Network West and Central Asia) Котибияти аъзоси;

Коррупцияга қарши курашиш агентлиги ҳузуридаги Экспертлар гуруҳи аъзоси;

Олий Мажлис Қонунчилик палатасининг Коррупцияга қарши курашиш ва суд-ҳуқуқ масалалари қўмитасининг ҳузуридаги жамоатчилик кенгаши аъзоси;

“Ўзбекистонда давлат бошқарувини такомиллаштириш: коррупциянинг олдини олишда инклюзив ёндашув” лойиҳасининг Кузатув кенгаши аъзоси.

Борсиева Замират Хасанбековна
		Марказ катта прокурори, адлия кичик маслаҳатчиси. «Ўзбекистон Республикасининг коррупция қарши курашиш давлат сиёсатини амалга ошириш» мавзусидаги докторлик диссертацияси устида иш олиб бормоқда. Email: z.borsieva@proacademy.uz

50 дан ортиқ илмий мақолалар, 1 та монография, 2 та амалий, 4 та услубий қўлланма муаллифи.

“Халқаро ҳуқуқ”, “Инсон ҳуқуқлари” (2017), “Халқаро ташкилотлар ҳуқуқи”, “Тиббиёт ҳуқуқи”, “Халқаро жиноят ҳуқуқи”, “Бола ҳуқуқлари”, “Инсон ҳуқуқлари” (2024) дарсликлар ҳаммуаллифи.

“Ўзбекистон Республикаси мустақиллигининг 25 йиллиги”, “Ўзбекистон прокуратурасига 30 йил” эсдалик нишонлари билан мукофотланган.

Коррупцияга қарши курашиш агентлиги ҳузуридаги Экспертлар гуруҳи аъзоси.

Зуфарова Шахноза Марсовна
		Марказ катта прокурори, 1-даражали юрист. Email: s.zufarova@proacademy.uz

2018 йилда Академиянинг Ҳуқуқий муаммоларни илмий-амалий ва инновацион тадқиқ қилиш ҳамда илмий ходимларни тайёрлаш маркази прокурор лавозимида, 2021–2022 йилларда Халқаро ҳамкорлик бўлими бошлиғи лавозимида хизмат қилган.

2021 йилда халқаро ҳамкорликни ривожлантиришга қўшган ҳиссаси учун Мустақил Давлатлар Ҳамдўстлиги иштирокчи-давлатлари Бош прокурорлари мувофиқлаштирувчи кенгашининг “МДҲ БПМКга 25 йил” эсдалик юбилей медали билан тақдирланган.

Коррупцияга қарши курашиш агентлиги ҳузуридаги Экспертлар гуруҳи аъзоси.  

Сафаров Темур Уктамович
		Марказ прокурори, 1-даражали юрист, ю.ф.ф.д (PhD). Email: t.u.safarov@proacademy.uz

2017-2024 йилларда Ўзбекистон Республикаси Адлия вазирлиги тизимида турли лавозимларда ишлаган.

"Ўзбекистоннинг ёш етакчилари" дастури доирасида Муҳаммад ибн Рашид номидаги давлат бошқаруви мактабида (БАА) малака оширди.

Олий Мажлис Сенатининг аҳоли ва давлат хизматчиларининг ҳуқуқий онги ва ҳуқуқий маданиятини юксалтириш, жамиятда коррупцияга қарши муросасизлик муҳитини шакллантириш масалалари бўйича ишчи гуруҳи аъзоси.

Академиянинг Илмий даражалар берувчи илмий кенгаш қошидаги семинар аъзоси.

“Адлия вазирлигининг 30 йиллиги” эсдалик нишони билан мукофотланган.

Коррупцияга қарши курашиш масалалари бўйича 1 та монография, 2 та ўқув қўлланма, 1 та рисола ва 30 дан ортиқ илмий мақолалар муаллифи, "Халқаро ҳуқуқни муҳофаза қилувчи ташкилотлар" дарслиги ҳаммуаллифи.

Аҳмадов Алимардон Ахмадович
		Марказ прокурори, адлия маслаҳатчиси. “Ноқонуний активларни қайтаришнинг институционал асосларини такомиллаштириш” мавзусидаги докторлик диссертацияси устида иш олиб бормоқда. Email: a.ahmadov@proacademy.uz

Ғарбий ва Марказий Осиё давлатларининг Активларни қайтариш бўйича идоралараро тармоғи (ARIN-WCA)нинг Котибият координатори вазифасини бажариб келмоқда.

1 та услубий қўлланма ҳаммуаллифи.

“Ўзбекистон мустақиллигига 25 йил” эсдалик нишони билан тақдирланган.