MARKAZNING MAQSADI

Markazning maqsadi – korrupsiyaga qarshi kurashish yo‘nalishida o‘quv, o‘quv-uslubiy va ilmiy-tadqiqot faoliyatini amalga oshirish.

MARKAZNING VAZIFALARI

Markazning asosiy vazifalari quyidagilardan iborat:

prokuratura, huquqni muhofaza qiluvchi, davlat organlari va boshqa tashkilotlar xodimlarining korrupsiyaga qarshi kurashish sohasidagi malakasini oshirish, bu boradagi kasbiy bilim hamda ko‘nikmalarini chuqurlashtirish;

davlat organlari va boshqa tashkilotlar, xo‘jalik boshqaruv organlari xizmatchilari uchun korrupsiyaning oldini olish va unga qarshi kurashishga oid o‘quv mashg‘ulotlari, seminar, davra suhbati, trening va boshqa tadbirlarni tashkil etish;

korrupsiyaning oldini olish va bartaraf etishga qaratilgan  fundamental, ilmiy, amaliy va innovatsion tadqiqotlarni tashkil etish va o‘tkazish;

korrupsiyaga qarshi kurashish sohasidagi qonunchilikni takomillashtirish va bu sohadagi yagona huquqni qo‘llash amaliyotini shakllantirish bo‘yicha ilmiy asoslangan xulosa va tavsiyalar ishlab chiqish;

BMTning Korrupsiyaga qarshi konvensiyasi va O‘zbekiston Respublikasining korrupsiyaga qarshi kurashish sohasidagi boshqa xalqaro shartnomalarida belgilangan qoidalarini milliy qonunchilikka muvofiqligini ta’minlashga qaratilgan tadbirlarni amalga oshirish;

Iqtisodiy hamkorlik va taraqqiyot tashkilotining Sharqiy Yevropa va Markaziy Osiyo mamlakatlari uchun Korrupsiyaga qarshi kurashish bo‘yicha tarmog‘ining Istanbul harakatlar rejasi doirasidagi tavsiyalarning amalga oshirilishida ko‘maklashish;

korrupsiyaga qarshi kurashish sohasidagi davlat dasturlari va boshqa dasturlarning ishlab chiqilishida ishtirok etish va amalga oshirilishida ko‘maklashish;

O‘zbekiston Respublikasining korrupsiyaga qarshi kurashish sohasidagi xalqaro reyting va indekslardagi o‘rnini yaxshilash yuzasidan yuklatilgan vazifalarni amalga oshirish, jumladan, bu borada ilmiy-amaliy tahlil qilish va izlanishlar olib borish va boshqalar.

Tursunbekov Xudayberdi
		Korrupsiyaga qarshi kurashish ilmiy-ta’lim markazi boshlig‘i v.b., adliya maslahatchisi. Email: x.tursunbekov@proacademy.uz

X.Tursunbekov ish faoliyatini 2008 yildan tuman prokuraturasi ish o‘rganuvchisi lavozimida boshlab, tuman prokuraturasi tergovchisi, viloyat prokuraturasi iqtisodiy jinoyatchilik va korrupsiyaga qarshi kurashish bo‘limi alohida muhim ishlar bo‘yicha katta tergovchisi, Bosh prokuratura Uyushgan jinoyatchilik va korrupsiyaga qarshi kurashish boshqarmasi katta prokurori lavozimlarida xizmat qilgan.

O‘z xizmat vazifalarini vijdonan va namunali bajarganligi uchun 2022 yilda “O‘zbekiston prokuraturasiga 30 yil”  esdalik nishoni bilan mukofotlangan.

X.Tursunbekov G‘arbiy va Markaziy Osiyo davlatlarining aktivlarni qaytarish bo‘yicha norasmiy tarmog‘i (ARIN-WCA – Asset Recovery Inter-Agency Network West and Central Asia) Kotibiyati a’zosi.

Korrupsiyaga qarshi kurashish agentligi huzuridagi ekspertlar guruhi a’zosi.

Zufarova Shaxnoza
		Korrupsiyaga qarshi kurashish ilmiy-ta’lim markazi katta prokurori, 2-darajali yurist. Email: s.zufarova@proacademy.uz

2018-yilda Akademiyaning Huquqiy muammolarni ilmiy-amaliy va innovatsion tadqiq qilish hamda ilmiy xodimlarni tayyorlash markazi prokuror lavozimida, 2021–2022 yillarda Xalqaro hamkorlik bo‘limi boshlig‘i lavozimida xizmat qilgan.

2021-yilda xalqaro hamkorlikni rivojlantirishga qo‘shgan hissasi uchun Mustaqil Davlatlar Hamdo‘stligi ishtirokchi-davlatlari Bosh prokurorlari muvofiqlashtiruvchi kengashining “MDH BPMKga 25 yil” esdalik yubiley medali bilan taqdirlangan.