Академиянинг моддий-техник таъминот бўлими Академиянинг мустақил таркибий тармоғи ҳисобланади.

Бўлим ўз фаолиятини ваколатлари доирасида Бош прокуратуранинг таркибий тармоқлари, Академиянинг кафедралари, бўлимлари, марказлари, қуйи прокуратуралар ҳамда бошқа идоралар билан ҳамкорликда ташкил этади.

Бўлимнинг асосий вазифалари:

Муассасада моддий-техника таъминотини амалга ошириш, қурилиш-таъмирлаш ишларини ташкиллаштириш;

Бош прокуратура Академиясида бириктирилган мол-мулклари сақланишини назорат қилиш, уларни сарфланиши, ҳисоби юритилиши ва ҳисобдан чиқарилишининг қонунийлигини таъминлаш;

Академиянинг товар-моддий бойликлари, канцелярия моллари ва техника воситаларига бўлган эҳтиёжини талабномаларга асосан ўрганиб бориш, уларни харид қилиниши ташкиллаштириш;

Бош прокуратура Академиясида даражали унвонга эга ходимларни белгиланган тартибда хизмат кийимлари билан таъминлаш чораларини кўриш;

прокуратура органлари балансида бўлган бинолар, техника воситалари ва бошқа товар-моддий бойликларни инвентаризация қилишда қатнашиш;

Бош прокуратура балансида бўлган хизмат автотранспорт воситаларининг техник кўрикдан ўтказилишини ташкиллаштириш, уларнинг техник ҳолатини ўрганиб бориш, фойдаланишга тайёрлигини таъминлаш;

хизмат муддатини ўтаган, фойдаланилиши мақсадга мувофиқ бўлмаган товар-моддий бойликлар, техника ва автотранспорт воситаларини белгиланган тартибда ҳисобдан чиқариш ва зарур ҳолларда уларни сотиш бўйича ҳужжатларни белгиланган тартибда молия-иқтисод бўлими билан ҳамкорликда расмийлаштириш;

Академия биноларида техника хавфсизлиги қоидаларига риоя қилинишини ташкиллаштириш, авария ҳамда бошқа ҳодисалар юз беришининг олдини олиш ва бундай ҳодисалар оқибатларини бартараф этиш чораларини кўриш;

фуқароларни қабул қилиш, жисмоний ва юридик шахсларнинг мурожаатларини кўриб чиқиш;

қонунчиликни тарғиб қилиш, жамиятда ҳуқуқий маданиятни юксалтириш, идоравий ва норматив-ҳуқуқий ҳужжатлар лойиҳаларини ишлаб чиқишда иштирок этиш.