Бошқарманинг мақсади Ўзбекистон Респуюбликаси Ҳуқуқни муҳофаза қилиш академиясида бакалавриат ва магистратура босқичларида, малака ошириш ҳамда қайта тайёрлаш курсларининг ўқув жараёнларини ташкил этиш, факультет ва кафедраларнинг ўқув-методик фаолиятини мувофиқлаштиришдан иборат.

Бошқарманинг асосий вазифалари:

ўқув-услубий жараёнини ташкил этиш, факультет, кафедра, бўлим ва марказларнинг ўқув-услубий фаолиятини мувофиқлаштириш соҳасига оид қонунчилик ҳужжатлари ва идоравий ҳужжатлар ижросини қатъий таъминлаш;

ўқув жараёнини режалаштириш, ташкил этиш ҳамда назорат қилиш, ўқув жараёнига илғор педагогик ва инновацион технологияларни кенг жалб қилиб бориш ишларини мувофиқлаштириш;

юқори малакали мутахассисларни тайёрлаш, қайта тайёрлаш ва малака оширишда замонавий талаблар, илғор халқаро юридик тажрибага асосланган, ўқитишнинг кредит-модуль тизими ҳамда замонавий усулларини қўллаш;

ўқув жараёнида давлат таълим стандартлари, давлат таълим талаблари ва малака талабларига риоя этилишини таъминлаш;

назарий билимларни чуқурлаштиришга, амалий ва касбий кўникмалар ҳамда клиник юридик таълимни ривожлантиришга қаратилган фаолиятни мувофиқлаштириш ва тизимли мониторингини олиб бориш;

масофавий шаклда таълим олувчиларнинг модулларни ўз вақтида ва сифатли ўзлаштириши ва иштирокини мониторинг қилиб бориш;

профессор-ўқитувчиларнинг педагогик фаолияти ҳамда ўқитиш сифати ва самарадорлигини таҳлил қилиш, баҳолаш ҳамда уларнинг касбий ва педагогик маҳоратларини юксалтиришга оид тадбирларни ташкиллаштириш;

талабалар ва тингловчилар билимини назорат қилиш ва баҳолаш фаолиятини мувофиқлаштириш;

факультетлар томонидан тақдим этилган маълумотлар асосида талабалар ва тингловчилар контингентини факультетлар кесимида жамлаш ҳамда умумий ҳисобини шакллантириш ва юритиш;

янги авлод дарсликлари ва ўқув қўлланмаларини яратилиши ҳамда уларни мунтазам янгилаб борилишини мониторинг қилиш ва тегишли таклифларни ишлаб чиқиш;

талабалар ва тингловчиларнинг академик алмашинувини таъминлаш бўйича етакчи хорижий илмий-таълим муассасалари, таҳлилий, тадқиқот марказлари, халқаро ташкилотлар билан ҳамкорлик қилиш бўйича таклифлар ишлаб чиқиш; 

хорижий олий таълим муассасалари билан академик мобиллик ва қўшма таълим дастурлари юзасидан тузилаётган келишув ҳужжатларининг ўқув фанлари ва таълим кредити билан боғлиқ қисмини экспертизадан ўтказиб, тегишли хулосалар бериш;

етакчи хорижий таълим муассасалари, таҳлилий, тадқиқот марказларининг мутахассисларини ўқув машғулотлари ўтказишга жалб этиш ишларини мувофиқлаштириш;

етакчи миллий ва хорижий таълим муассасалари, таҳлилий, илмий-тадқиқот марказлари билан ҳамкорлик қилиш бўйича таклифлар ишлаб чиқиш ва амалга ошириш;

ўқув жараёнини ташкил қилиш ва мувофиқлаштириш соҳасидаги фаолиятни такомиллаштириш юзасидан тизимли таҳлил асосида таклифлар ишлаб чиқиш ва киритиш ва бошқалар.

Бошқарма таркиби

Нуридинов Баходирджан Сабирович
		Бошқарма катта прокурори, адлия маслаҳатчиси, педагогика фанлари номзоди, доцент. “Касб таълими ўқитувчилари малакасини оширишда фаол ўқитиш методларидан фойдаланишнинг илмий-педагогик асослари” мавзусида номзодлик диссертациясини ҳимоя қилган. Email: b.s.nuridinov@proacademy.uz

“Касб-ҳунар таълими назарияси ва методикаси” ихтисослиги бўйича “доцент” илмий унвонини олган.

Немис Халқ Университетлари ассоциацияси (DVV International) Ўзбекистондаги филиалининг “Curriculum globALE” дастури “Катталар таълимида режалаштириш, ташкил этиш ва баҳолаш” модули бўйича халқаро даражадаги сертификат соҳиби.

1 та монография, 3 та ўқув қўлланма, 10 дан ортиқ ўқув-услубий адабиётлар, 100 тадан ортиқ илмий ва илмий-оммабоп мақолалар муаллифи. 

“Ўрта махсус, касб-ҳунар таълими аълочиси” кўкрак нишони “Ўзбекистон прокуратурасига 30 йил” эсдалик нишони билан тақдирланган.

Довлетов Шохрат Аллабергенович
		Бошқарма катта прокурори, адлия маслаҳатчиси. Email: sh.a.dovletov@proacademy.uz

1 та амалий қўлланма, 1 та ўқув қўлланма 10 дан ортиқ илмий ва илмий-оммабоп мақолалар муаллифи.

“Ўзбекистон Республикаси мустақиллигига 20 йил”, “Ўзбекистон Конституциясига 30 йил”, “Ўзбекистон прокуратурасига 30 йил” эсдалик нишонлари билан тақдирланган.

Эшмуродов Элбек
		Бошқарма прокурори, 2-даражали юрист. “Вояга етмаганлар ўртасида ҳуқуқбузарликлар профилактикасини такомиллаштириш ва самарадорлигини ошириш” мавзусида юридик фанлари бўйича фалсафа докторлиги (Phd) диссертацияси юзасидан илмий тадқиқот олиб бормоқда. Email: elbek.eshmurodov@proacademy.uz

20 дан ортиқ илмий ва илмий-оммабоп мақолалар муаллифи.

“Ўзбекистон Конституциясининг 30 йиллиги” эсдалик нишони билан тақдирланган.

Ибадуллаев Сарварбек Шухрат ўғли
		Бошқарма прокурори, 3-даражали юрист. “Ўзбекистон Республикаси жиноят қонунчилигида судланганлик: назария ва амалиёт” мавзусида юридик фанлар бўйича фалсафа доктори (PhD) илмий даражасини олиш учун диссертация иши олиб бормоқда. E-mail: ibadullayev.s.sh@proacademy.uz

Ризаев Худойназар Амирулла ўғли
		Бошқарма прокурори, 3-даражали юрист. “Таълимни бошқариш органлари ва таълим муассасаларининг ҳуқуқбузарликлар профилактикаси соҳасидаги фаолиятининг ҳуқуқий асосларини такомиллаштириш” мавзусида юридик фанлари бўйича фалсафа докторлиги (Phd) диссертацияси юзасидан илмий тадқиқот олиб бормоқда. Email: x.a.rizayev@proacademy.uz

8 та илмий мақола муаллифи, улардан 3 таси хорижий нашрларда чоп этилган.