Хорижий фуқаролар таълим олиши учун яратилган имкониятлар

Хорижий фуқаролар замонавий таълим компусида илғор ахборот-коммуникацион технологиялар асосида жиҳозланган аудиторияларда юқори малакали профессор-ўқитувчилар томонидан олиб бориладиган ўқув машғулотларида иштирок этадилар. 

Хорижий фуқаролар таълим олиш жараёнида қуйидаги имкониятлардан фойдаланишлари мумкин:

ўқув жараёнида интерактив таълим хизматларидан фойдаланиш, шу жумладан ётоқхонага жойлашиш, ахборот-ресурслардан ва спорт мажмуалари имкониятларидан фойдаланиш;

клублар ва қўшимча ўқув курслари, интеллектуал ўйинлар, мусобақа ва кўрик-танловлар, маънавий-маърифий тадбирлар, учрашувлар ва давра суҳбатларида иштирок этиш;

тарихий обидалар, маданият масканлари ва музейларга ташрифлар, театр ва киноларга бориш;

хорижлик ва маҳаллий олимлар, мутахассислар ва экспертлар иштирокидаги семинар-тренинг машғулотлари, республика ва халқаро илмий-амалий конференциялар ва форумларда қатнашиш;

халқаро ҳамкорлик доирасида ижтимоий лойиҳалар ва грантлар, ҳуқуқни муҳофаза қилиш фаолиятига оид халқаро дастурларда иштирок этиш.

Таълим жараёнига ҳуқуқни муҳофаза қилиш фаолияти бўйича кўп йиллик иш тажрибасига эга бўлган соҳа мутахассислари ва олимлар жалб қилинган бўлиб, мутахассислик модуллари бўйича амалий дарс машғулотлари иммитация хоналари ва лабораторияларда ўтказилади.

Талабаларда амалий кўникмаларни шакллантиришга қаратилган машғулотлар доирасида дастлабки тергов ва суриштирув органлари ҳамда экспертиза муассасаларида қўшма-амалий, сайёр ва кўргазмали машғулотлар олиб борилиши йўлга қўйилган.

Хорижий фуқаролар учун таълим дастурлари:

“Юриспруденция” бакалавриат таълим йўналишида кундузги таълим шаклида 4 йиллик таълим дастури бўйича ўзбек, рус ва инглиз тилларида, масофавий таълим шаклида 5 йиллик таълим дастури бўйича ўзбек ва рус тилларида;

“Киберҳуқуқ” бакалавриат таълим йўналишида кундузги таълим шаклида 4 йиллик таълим дастури бўйича ўзбек, рус ва инглиз тилларида.

Хорижий фуқароларни ўқишга қабул қилиш шартлари:

Миллий қонунчиликка кўра, мамлакатимизда яшаш гувоҳномасига ёки инвестиция визасига эга бўлган хорижий инвесторлар ҳамда уларнинг оила аъзолари Ўзбекистон Республикаси фуқаролари учун назарда тутилган шартларда ўқишга кириш ва таълим олишга ҳақлидир.

Талабалар ўқиши қонун ҳужжатларида хорижий фуқаролар учун назарда тутилган тўлов-контракт асосида амалга оширилади.

Хорижий фуқароларни ўқишга кириш учун ҳужжат топшириш тартиби:

Хорижий фуқаролар ўқишга кириш учун Академияга қуйидаги ҳужжатларни тақдим этадилар:

ўқишга қабул қилиш ҳақида ариза;

ўрганилган фанлар ва улар бўйича имтиҳонларда олинган баҳолар (баллар) кўрсатилган маълумоти ҳақидаги ҳужжатларнинг асл нусхалари;

соғлиғи тўғрисидаги тиббий хулоса;

миллий паспорт (амалдаги визаси билан) ёки туғилганлик ҳақидаги гувоҳнома;

4 х 6 см ўлчамдаги 6 та фотосурат.

ҳужжатларни топшириш муддати: 3 августдан 3 сентябргача.

Хорижий фуқароларни ўқишга қабул қилиш учун

суҳбат ўтказиш тартиби

Хорижий фуқаролар Академиянинг бакалавриат таълим йўналишларига ўқишга кириш бўйича ўтказиладиган суҳбат натижасига кўра қабул қилинадилар.

Суҳбат йўналишлари:

талабгорларнинг дунёқараши (ҳозирги кунда дунёда рўй бераётган асосий ва муҳим ижтимоий-сиёсий ва ижтимоий-иқтисодий жараёнлардан умумий хабардорлиги);

касбий иштиёқи ва мотивациялари (юрист касбининг моҳияти
ва мазмуни, унинг жамиятдаги ўрни ва аҳамияти, юристнинг касбий фаолият соҳалари, ушбу касбнинг қийинчиликлари тўғрисида тасаввурга эгалик, юрист касбини танлашга ундаган сабаблар);

умумий интеллектуал даражаси (ўз фикрини аниқ-равшан, мантиқий ва ижодий баён қила олиш ҳамда ўз фикрини асослантира олиш қобилияти);

маънавий-ахлоқий даражаси (қатъий маънавий-ахлоқий принципларга эга бўлиш, мулоқот этикаси ва ташқи кўриниш маданиятига риоя этиши) аниқлаш нуқтаи назаридан ўтказилади.

Суҳбат ўтказиладиган тил: ўзбек, рус ва инглиз тиллари.

Суҳбат ўтказиладиган жой: Академия биносида ўтказилади;

абитуриентлар имтиҳонга (суҳбатга) фуқарлик паспорти ёки ID карта билан келишлари лозим.

Суҳбат ўтказиладиган сана: 5-15 сентябрь кунлари.

Суҳбат натижаларини баҳолаш: унинг бевосита ёки масофавий (онлайн) тарзда ўтказилишидан қатъи назар баллар қўйиш йўли билан 100 баллик тизимда баҳоланади. Ҳар бир мезон бўйича балларнинг энг юқори миқдори 25 баллни ташкил этади.

Талабгор жадвал бўйича суҳбатга келмаган ҳолларда 0 балл қўйилади.

Талабгор 56 балл ва ундан юқори балл тўплаганда суҳбатдан ўтган ҳисобланади.

Хорижий фуқароларни ўқишга қабул қилиш:

Суҳбат натижаларига кўра талабгорлар Академия бошлиғининг буйруғига мувофиқ Академия бакалавриатига ўқишга қабул қилинади.

Ўқиш учун келган хорижий фуқаролар тиббий текширувдан ўтадилар.

Ўқишга қабул қилинган хорижий фуқаролар белгиланган тартибда талабалик гувоҳномаси билан таъминланади.

Ўқишни тугатгандан кейин хорижий фуқароларга олий маълумот тўғрисидаги белгиланган намунадаги диплом берилади.

Натижаларни эълон қилиниши: 25 сентябрь

Дарсларда иштирок этишни бошлаш: 3 октябрь

Контракт тўловлари:

тўлов-контракт миқдори: шартномага асосан белгиланади.

тўлов муддати: 31 октябрь

Талабалар сафига қабул қилиш: 3 ноябрь