Япония Aдлия вазирлиги мутахассислари билан ишчи учрашув

Жорий йилнинг 30 сентябрь куни жиноятчилик ҳолатини узлуксиз мониторинг қилиш салоҳиятини мустаҳкамлаш борасида Ўзбекистон Бош прокуратураси Академияси ва Япония Aдлия вазирлиги қўшма ишчи гуруҳининг навбатдаги онлайн учрашуви бўлиб ўтди.

Учрашув давомида Япония томони ҳуқуқни муҳофаза қилиш идоралари томонидан статистик маълумотларни йиғиш ва қайта ишлаш бўйича маълумот берди ҳамда иштирокчилар Япония прокуратура органларининг жиноий ҳуқуқбузарликларни рўйхатга олиш тизими билан танишдилар.

Учрашув дунёнинг бошқа мамлакатлари илғор тажрибасини ўрганиш нуқтаи назаридан ҳам фойдали бўлди. Хусусан, AҚШ Aдлия соҳасида статистика бюросининг (Bureau of justice statistics) маълумотларни бошқариш ва уларнинг очиқлигини таъминлаш борасидаги фаолияти иштирокчиларда алоҳида қизиқиш уйғотди.

Ўз навбатида, Япония томони жиноятчилик ҳолати тўғрисидаги маълумотларни йиғиш, қайта ишлаш ва таҳлил қилиш тизими билан таништирилди. Маълумотларни минтақалар миқёсида, жиноятчилик турлари ҳамда бошқа мезонлари асосида ўрганишнинг муҳим параметрларига ҳам тўхталиб ўтилди.

Иш режасига мувофиқ, қўшма гуруҳ онлайн учрашувларни давом эттириб, ушбу лойиҳани амалга ошириш бўйича Йўл харитада белгиланган вазифаларни босқичма-босқич бажариб боради.