Терроризмни молиялаштиришга қарши кураш масалалари бўйича ўқув курси ташкил этилди

    Академия томонидан БМТнинг Гиёҳванлик ва жиноятчилик бўйича бошқармасининг Марказий Осиёдаги минтақавий ваколатхонаси, ЕХҲТнинг Ўзбекистондаги лойиҳалари Мувофиқлаштирувчиси ва Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти билан ҳамкорликда жорий йилнинг 21-24 сентябрь кунлари "Терроризмни молиялаштиришга қарши курашиш: тергов илғор курси" мавзусида ўқув курси ташкил этилди.

    Мазкур тадбир "Терроризмни молиялаштиришга қарши курашиш" кўп йиллик дастурни амалга ошириш доирасида ташкил этилди, унинг асосий мақсади энг илғор хорижий тажрибага мувофиқ идоралараро ҳамкорлик самарадорлигини ошириш ва терроризмни молиялаштиришга қарши курашиш бўйича мамлакат миллий салоҳиятини мустаҳкамлашдир.

   Мазкур тадбирда халқаро экспертлар, Бош прокуратура, Давлат хавфсизлик хизмати, Иқтисодий жиноятларга қарши курашиш департаменти, Ички ишлар вазирлиги, ДХХ Академияси ва Бош прокуратура Академияси ходимлари иштирок этишди.

   Ўқув курс давомида молиявий профил яратиш масалалари, янги тўлов усулларининг хусусиятлари, далилларни тўплаш усуллари кўриб чиқилди ва ўтилган материални мустаҳкамлаш бўйича амалий машғулотлар ўтказилди.

    Курс натижаси бўйича иштирокчиларига сертификатлар топширилди.