Янги Ўзбекистон – янги сайловлар

Қонун ижодкорлиги фаолиятида ҳамда жамиятда ҳуқуқий маданиятни юксалтириш ишида иштирок этиш Ўзбекистон Республикаси прокуратура органларининг устувор йўналишларидан бири ҳисобланади.

Бош прокуратура Академияси томонидан Ўзбекистон Республикаси Президенти сайловини ташкил этиш ва ўтказишнинг ҳуқуқий асослари, уларнинг мазмуни ва сайлов қонунчилигини бузганлик учун жавобгарлик масалалари кенг оммага тушунтириш мақсадида бир қатор ишлар амалга оширилиб келинмоқда.

Жумладан, Бош прокуратура Академияси томонидан Ўзбекистон Республикаси Президенти ҳузуридаги Давлат бошқаруви академияси, Наманган вилояти Адлия бошқармаси, Наманган давлат университети ва бошқа ҳамкор ташкилотлар билан биргаликда “Янги Ўзбекистон – янги сайловлар” номли ўқув‐услубий тўплам тайёрланди.

Ушбу тўпламда участка сайлов комиссияларининг амалий фаолиятини ташкил этишга оид савол‐жавоблар, муаммоли вазиятлар бўйича тавсиялар, тестлар, сайлов жараёнида фойдаланиш учун зарур бўлган процессуал ҳужжатлардан намуналар ўрин олган.

Нашр фойдаланиш учун республиканинг барча ҳудудларига юборилди.