"Минтақавий мулоқот" ХННТ раҳбарияти билан ҳамкорлик режалари муҳокама қилинди

2021 йил 27 октябрь куни Бош прокуратура Академияси бошлиғи Е.Коленко “Минтақавий мулоқот” ХННТ директори М.Север билан учрашди.

Учрашувда шунингдек Академия бошлиғи ўринбосари У.Нигмаджанов ва таркибий тармоқ раҳбарлари, “Минтақавий мулоқот” ХННТнинг Ўзбекистондаги ваколатхонаси раҳбари П.Горьюп ва раҳбар ўринбосари Б.Шариповлар иштирок этишди.

COVID-19 пандемияси билан боғлиқ танаффусдан кейин ташкил этилган мазкур учрашув томонларга аввалдан режалаштирилган тадбирларни амалга ошириш билан боғлиқ масалаларни муҳокама қилиш, шунингдек келгусидаги ўзаро ҳамкорлик истиқболларини белгилаб олиш имконини берди.

Учрашув сўнгида ўзаро манфаатли соҳаларда ҳамкорликни мустаҳкамлаш бўйича кейинги қадамлар белгилаб олинди.