Сайёр ўқув ва амалий машғулотлар ўтказилди

Ички ишлар вазирлиги кўмагида Бош прокуратура Академияси магистратураси тингловчилар учун дала ўқув ва амалий машғулотлар ташкил этилди.

Ўтказиладиган сайёр ўқув машғулотлари доирасида магистрлар жанговор, саф ва жисмоний тайёргарликнинг асосларини ўзлаштирадилар.

Шунингдек, дастурга мувофиқ тингловчилар жанговар ўқотар қуролларнинг асосий турлари, улардан фойдаланишнинг назарий жиҳатлари, уларнинг жанговар хусусиятлари, асосий қисм ва механизмлари ҳақида маълумотга эга бўлдилар.

Тингловчилар ўқишдан бўш вақтларида ўзларининг билимларини ошириш ва жисмонан чиниқиш мақсадида у ердаги  ахборот-ресурс маркази ва спорт-соғломлаштириш мажмуасидан самарали фойдаландилар.

Ўқув йиғинининг яна бир асосий мақсади Бош прокуратура Академияси магистратураси тингловчилари ўртасидаги ўзаро муносабатлар, руҳий бирдамлик ва жамоавий жипсликни мустаҳкамлашдан иборатдир.