Халқаро экспертлар иштирокида “Жабрланувчи ҳуқуқларини ҳимоя қилиш” курси ўз ишини бошлади

Академия магистратурасининг “Инсон ҳуқуқларига оид халқаро ҳуқуқ” дастури доирасида талабалар учун “Жабрланувчи ҳуқуқларини ҳимоя қилиш” номли ўқув модули бошланди.

Академик дастур ва ўқув модулини ишлаб чиқиш ишларига илғор илмий-таълим муассасалари ва ташкилотлари мутахассислари, шу жумладан, Швециянинг Лунд университети доктори Хильдур Фьола Антонсдоттир жалб қилинди.

Мазкур ўқув курси доирасида жабрланганларнинг халқаро ҳуқуқдаги мақоми, уларнинг ҳуқуқлари ҳимоя қилиш бўйича халқаро хужжатларнинг мазмун-моҳияти, виктимологиянинг муҳим тамойиллари, жабрланган шахсларнинг ҳуқуқ ва эркинликларини ҳимоя қилиш, жабрланувчи ва гувоҳларни ҳимоя қилиш, жабрланувчиларга етказилган моддий ва маънавий зарарларни қоплаш, шунингдек одам савдоси, оиладаги зўравонлик ва қийноқдан жарбланганларнинг ҳуқуқларини ҳимоя қилишнинг ўзига хос хусусиятлари кўриб чиқилмоқда.         

Х.Антонсдоттир томонидан мазкур йўналишда таҳсил олаётган магистратура талаблари учун виктимиологияга оид асосий концепциялар, халқаро стандартлар ва амалиёт бўйича маърузалар қилиниб, амалий билим ва кўникмаларни ривожлантириш мақсадида имитацион машқлар ўтказилмоқда.

Ўқув курси доирасида қиска муддатли сайёр ўқув машғулотлари ўтказилди, хусусан Одам савдоси жабрдийдаларига ёрдам бериш бўйича Республика реабилитация маркази ҳамда Маҳалла ва оилани кўллаб-қувватлаш вазирлиги ҳузуридаги Тошкент шаҳар Аёлларни реабилитация қилиш ва мослаштириш марказига ташриф буюрилди.

Ўқув жараёнларига ҳуқуқ социологияси ва психология бўйича халқаро экспертлар ҳамда жиноят ҳуқуқи ва криминология бўйича миллий экспертлар жалб этилган ҳолда фанлараро ёндашувга асосланланган амалга оширилмоқда.

Курс якуни билан тингловчилар ушбу соҳада амалга оширилаётган ислоҳотлар, сиёсат ва қонунчилик, касбий маданият ва ҳуқуқни қўллаш бўйича ўз билимларини оширади, жиноий одил судлов жараёнининг ҳозирги ҳолати ва ривожланиши тенденцияларини баҳолай олиш ҳамда жарбланувчиларнинг ҳуқуқларини ҳимоя қилиш соҳасида ижобий натижаларга эришишда ҳимоя қилишнинг миллий ва халқаро тизимларнинг имкониятларидан фойдаланиш бўйича кўникмаларни яхшилайди.     

Курсни ташкил этиш ва ўтказиш АҚШ Халқаро тараққиёт агентлиги (USAID)нинг суд-ҳуқуқ ислоҳотлари дастури кўмагида амалга оширилмоқда.