Ўзбекистон Республикаси Конституцияси қабул қилинганлигининг 29 йиллиги муносабати билан давра суҳбати ўтказилди 

Юртимизда амалга оширилаётган кенг кўламли ислоҳотларнинг самараси, тинчлик ва тараққиётнинг асосий гарови Конституция ва қонун устуворлигини таъминлаш билан бевосита боғлиқдир. Шунинг учун ҳам ҳаётимизнинг барча соҳа ва тармоқларида меҳнат қилаётган инсонлар, биринчи навбатда, раҳбар ходимлар, фуқароларнинг Ўзбекистон Республикаси Конституциясини пухта билиши, унга бутун жамият аъзолари қатъий амал қилиши шарт бўлган муҳитни яратиш ғоят муҳим ва долзарб вазифага айланмоқда.

Шу мақсадда Бош прокуратура Академиясида жорий йилнинг 7 декабрь куни Ўзбекистон Республикаси Конституцияси қабул қилинганлигининг 29 йиллиги муносабати билан Бош прокуратура Академияси профессор-ўқитувчилари, докторантлар ва магистратура тингловчилари иштирокида давра суҳбати ташкил этилди.

Тадбирга Ўзбекистон Республикаси фан арбоби, юридик фанлар доктори, профессор Халим Бобоевич Бобоев таклиф этилди.

Давра суҳбатида Ўзбекистон Республикаси Конституцияси қабул қилиниши тарихи, унинг давлат сиёсий-ижтимоий ҳаётидаги аҳамияти, ўзига хос жиҳатлари ҳақида батафсил сўз юритилди.