Жиноятлар профилактикаси ва криминоген вазиятни таҳлил қилишда сунъий интеллектни қўллаш масалалари муҳокама қилинди

Ўзбекистон Республикаси Бош прокуратура Академиясида  жиноятлар профилактикаси ва криминоген вазиятни баҳолашда сунъий интеллектни қўллаш масалалари муҳокама қилинди.

Учрашувда Тошкент давлат юридик университети ҳамда Ўзбекистон Миллий унверситети вакиллари иштирок этди.

Тадбирда ҳозирги кунда Бош прокуратура Академиясида амалга оширилаётган лойиҳалар доирасида жиноятларнинг олдини олиш фаолиятига сунъий интеллектни жорий этиш, шунингдек мазкур йўналишда янги миллий ва халқаро грантларни жалб этиш имкониятлари тўғрисида сўз борди.    

Тадбир конструктив тарзда ўтди, иштирокчилар томонидан сунъий интеллектни криминоген вазиятни таҳлил қилиш жараёнига жорий этиш истиқболлари муҳокама қилинди.