Жиноятчиликнинг олдини олиш соҳасидаги истиқболли лойиҳалар муҳокамасига бағишланган учрашув бўлиб ўтди

Ўзбекистон Республикаси Бош прокуратураси Академиясида БМТнинг Гиёҳвандлик ва жиноятчилик бўйича бошқармасининг Марказий Осиё бўйича минтақавий ваколатхонаси вакиллари билан жиноятчиликнинг олдини олиш соҳасидаги истиқболли лойиҳалар муҳокамаси юзасидан учрашув ўтказилди.

Учрашувда БМТнинг Гиёҳвандлик ва жиноятчилик бўйича бошқармаси билан биргаликда Тошкент шаҳрининг Чилонзор туманида амалга оширилган "Шаҳар шароитида хавфсиз, инклюзив ва барқарор ҳамжамиятларни бошқариш ёндашувлари" лойиҳасини давом эттириш ҳамда янги лойиҳаларни амалга ошириш масалалари муҳокама қилинди.

Тадбир конструктив тарзда ўтди, БМТнинг Гиёҳвандлик ва жиноятчилик бўйича бошқармаси билан биргаликда амалга оширилаётган лойиҳалар қонунийликни мустаҳкамлаш ва жиноятларнинг олдини олишдаги илмий ва эксперт салоҳиятнинг мустаҳкамланишига ижобий таъсир кўрсатаётганлиги таъкидланди.