Жойларда жиноятчилик профилактикасига оид масалалар муҳокамасига бағишланган учрашув

 Бош прокуратура Академияси томонидан ҳуқуқбузарликлар профилактикаси ва жиноятчиликнинг олдини олиш бўйича фаолиятга илмий-методик жиҳатдан кўмаклашиш ишлари тизимли равишда амалга оширилиб келинмоқда.

Мазкур ишлар доирасида Академияда Тошкент шаҳри Чилонзор тумани “Катта Қозирабод” маҳалла фуқаролар йиғини раиси (оқсоқоли), профилактика инспектори ва бошқа ходимлари, шунингдек БМТнинг Гиёҳвандлик ва жиноятчилик бўйича бошқармасининг Марказий Осиё бўйича Минтақавий ваколатхонаси вакиллари иштирокида  мазкур ҳудудда жиноятчиликнинг олдини олишга қаратилган фаолиятни методик ва амалий қўллаб-қувватлаш масалалари муҳокамаси юзасидан учрашув ўтказилди.

Учрашув  давомида БМТнинг Гиёҳвандлик ва жиноятчилик бўйича бошқармасининг Марказий Осиё бўйича Минтақавий ваколатхонасининг техник кўмагида жиноятларнинг олдини олиш бўйича ҳамкорликдаги чора-тадбирларни ташкил этиш масалалари муҳокама қилинди.

Учрашув якунига кўра “Катта Қозирабод” маҳалласида жиноятчилик профилактикаси соҳасида келгусида амалга ошириладиган тадбирлар юзасидан йўл харитаси ишлаб чиқишга келишиб олинди.