Криминоген вазиятни таҳлил қилишда сунъий интеллектни қўллаш масалалари муҳокама қилинди

Ўзбекистон Республикаси Бош прокуратураси Академиясида  криминоген вазиятни баҳолашда сунъий интеллектни қўллаш масалалари муҳокамаси давом эттирилди.

Учрашувда Академия, Тошкент давлат юридик университети ҳамда Ўзбекистон Миллий университети вакиллари иштирок этишди.

Тадбирда криминологик прогнозда сунъий интеллектни қўллаш бўйича тадқиқотлар олиб борган хорижий ва миллий олимларнинг илмий ишланмаларини ўрганиш якунлари бўйича фикр алмашилди. Келгусида сунъий интеллектни қўллаган ҳолда криминологик прогноз қилишда амалга оширилиши режалаштирилган қўшма лойиҳа доирасида ўрганилиши лозим бўлган масалалар муҳокама қилинди.

Тадбир давомида келгусида мазкур масала бўйича миллий ва халқаро экспертлар иштирокида давра субати ташкил этишга келишиб олинди.