Инновацион ривожланиш вазирлиги фаолияти билан танишув

Академия докторантлари ва магистратура тингловчилари вазирлик фаолияти, инновациялар соҳасидаги тенденциялар ва тадбирлар билан танишиш мақсадида Инновацион ривожланиш вазирлигига ташриф буюришди.

Академия тингловчилари илм-фаннинг турли соҳаларида амалга оширилаётган инновацион лойиҳалар билан танишиш имконига эга бўлдилар.

Ташриф давомида инновацион ривожланиш вазири И.Абдурахманов билан учрашув ташкил этилиб, унда тингловчиларга турли соҳаларда амалга оширилаётган инновацион ишланмалар, уларни молиялаштириш манбалари ва кутилаётган натижалар ҳақида маълумот берилди. Учрашув фаол мулоқот шаклида бўлиб ўтди, тингловчилар ўзларини қизиқтирган саволларга жавоб олдилар.

Академия тингловчилари Инновацион илмий-ишлаб чиқариш технопаркига ҳам ташриф буюриб, “Learning by doing” тамойили асосида талабалар олган билимларни амалда қўллаш жараёнини кузатдилар.