Мустақил изланувчиликка қабул

Ўзбекистон Республикаси Бош прокуратураси Академиясида
2022 йилнинг 17 февраль куни 12.00.04 – Фуқаролик процессуал ҳуқуқи. Хўжалик процессуал ҳуқуқи. Ҳакамлик жараёни ва медиация, 12.00.07 - Суд ҳокимияти. Прокурор назорати. Ҳуқуқни муҳофаза қилиш фаолиятини ташкил этиш. Адвокатура, 12.00.08 – Жиноят ҳуқуқи, ҳуқуқбузарликларнинг олдини олиш. Криминология. Жиноят-ижроия ҳуқуқи, 12.00.09 – Жиноят процесси. Криминалистика, тезкор-қидирув ҳуқуқ ва суд экспертизаси ихтисосликлари бўйича мустақил изланувчиликка (PhD) қабул қилиш бўйича навбатдаги танлов ўтказилди.

Суҳбатда Бош прокуратура Академияси, Инсон ҳуқуқлари бўйича Ўзбекистон Республикаси миллий маркази, Тошкент давлат юридик университети, Жамоат хавфсизлиги университетининг етакчи олим ва мутахассислари иштирок этди.

Суҳбатда талабгорларнинг суд-ҳуқуқ соҳасида мамлакатимизда амалга оширилаётган ислоҳотларнинг мазмун-моҳияти борасидаги билимлари, илмий изланишларни амалга ошириш бўйича кўникмалари, шунингдек тадқиқот мавзуларининг долзарблиги ва аҳамиятига алоҳида эътибор қаратилди.

Мустақил изланувчиликка (PhD) қабул қилиш юзасидан навбатдаги танлов якуни бўйича тегишли қарор қабул қилинди.