Япония Aдлия вазирлиги билан жиноятчилик аҳволини тизимли ўрганиш йўналишидаги қўшма лойиҳа давом эттирилди

Жорий йилнинг 25 март куни  жиноятчилик ҳолатини узлуксиз мониторинг қилиш салоҳиятини мустаҳкамлаш борасида Япония Aдлия вазирлиги ва Ўзбекистон Республикаси Бош прокуратураси Академияси қўшма ишчи гуруҳининг навбатдаги онлайн учрашуви бўлиб ўтди.

Учрашув давомида ҳуқуқбузарликларнинг олдини олишда сунъий интеллектни қўллаш масалалари муҳокама қилинди.

Хусусан, Япония тарафи тунги вақтдаги ҳуқуқбузарликларнинг олдини олишда полиция тизимига жорий этилган сунъий интеллект самарадорлиги тўғрисида маълумот берди.  

Шунингдек, муқаддам жорий йилга режалаштирилган ўзаро ташрифлар муҳокама қилинди.

Тарафлар ўзларини қизиқтирган саволларга жавоблар олдилар ва ўзаро ҳамкорликни янада самарали давом эттириш тўғрисида келишиб олдилар.