Академияда диссертация тадқиқотлари натижаларини амалиётга татбиқ этиш масалалари бўйича вебинар бўлиб ўтди

2022 йил 13 апрель куни Бош прокуратура Академияси томонидан вебинар ташкиллаштирилди. Унда Олий аттестация комиссияси экспертлари, Тошкент давлат юридик университети, Инсон ҳуқуқлари бўйича Ўзбекистон Республикаси Миллий маркази ва Судьялар олий кенгаши ҳузуридаги Судьялар олий мактаби олимлари, докторантлари ва мустақил изланувчилари иштирок этдилар.

Вебинарда диссертация тадқиқотлари натижаларини амалиётга татбиқ этиш масалалари кўриб чиқилди. Диссертация тадқиқотлари доирасидаги ишланмаларни амалга ошириш механизмлари билан боғлиқ кўплаб муаммолар мавжудлиги ва бу борадаги фаол савол-жавоблар вебинар мавзусининг долзарблигини кўрсатди.

Тадбирда қилинган тақдимот норматив-ҳуқуқий ҳужжатлар лойиҳаларини ҳамда уларга илова қилинадиган концепция ва бошқа асословчи ҳужжатларни ишлаб чиқишнинг белгиланган тартибига бағишланди.