Туман (шаҳар) прокурорларининг ўринбосарлари ҳамда ёрдамчилари учун малака ошириш курси ўтказилди

Бош прокуратура Академиясида туман (шаҳар) прокурорларининг қонунчилик ижроси устидан назорат фаолиятини амалга оширувчи ўринбосарлари ҳамда ёрдамчилари иштирокида “Иқтисодий қонунчилик асослари”  мавзусида малака ошириш курси ўтказилди.

Мазкур курсда туман (шаҳар) прокурорларининг ўринбосарлари, катта ёрдамчилари, ҳарбий ҳамда транспорт прокуратураларининг ижтимоий
ва иқтисодий соҳаларда қонунчилик ижроси устидан назорат бўлими прокурорлари иштирок этди.

Курс дастури давлатнинг молиявий сиёсати, давлат харидлари, банк фаолиятини ташкил этишнинг ҳуқуқий асослари, давлатнинг молиявий назорати ҳамда тафтишни ташкил этиш ва амалга ошириш каби масалаларни қамраб олди.